7:714  XI.  Perplacet  conditio,  modo  tibi  non  displiceat  formas  loquendi  scripturae  de  sacramentis  interpretari  sacramentaliter,  et  omnia  nostra  tam  clare  exponere  ut  vel  simplicissimum  quisque  intelligat,  quid  faciat  in  sacramentis  Dominus,  quid  homo,  quid  res  ipsa,  quid  signum.  In  his  simus  concordes  perpetuo.  XII.  Memoriam  redemptionis  late  patere  non  ignoras.  In  ea  ergo  comprehendo,  non  tantum  quod  nobis  praestitit  Christus,  sed  ipsum  etiam  modum,  quo  efficimur  Christi  participes.  Insinuat  se  nobis  Dominus  noster  spiritu  suo,  et  cibus  est  animae  vivificus:  nos  Ulum  edimus  et  recipimus  fide  atque  ita  efficimur  consortes  eius  et  membra  corpori?  eius.  Huius  mysterii  plane  divini  symbolum  et  memoraculum  est  coena,  omnes  partes  salutis  nostrae  repraesentans.  XIII.  Prius  monui  me  non  legisse  omnia  scripta  tua.  Praeterea  annotationibus  illis  meis  volui  tibi  occasionem  praebere  crassissime  tete  declarandi.  Alioqui,  scis,  me  non  vulgariter  iudicare  de  tua  pietate  et  eruditione.  XIV.  Perge  ergo  constanter  nobiscum  pugnare  pro  gloria  Domini  in  finem  usque.  Id  quod  de  tua  pietate  certo  nobis  pollicemur.  XV.  xVi.  Loquitur  apostolus  de  credentibus  quibus  solis  prodest  incarnationis  mysterium.  Incarnatione  sua,  imo  toto  redemptionis  mysterio  effecit  Dominus  ut  simus  membra  eius,  hauriamusque  ab  ipso,  ceu  vivifico  capite,  vitam.  Non  ergo  contradico  tuae  interpretationi.  Exstant  apud  veteres  scripturae  interpretes  variae  adeoque  diversae  eiusdem  loci  interpretationes:  sed  propter  cam  diversitatem  non  erat  inter  ipsos  ulla  discordia.  Sufficit  enim  si  non  dissentiamus  in  dogmatibus.  XVII.  Tametsi  coena  actio  sit  coelestis,  corpus  tamen  Christi  non  est  coeleste,  neque  exutum  sua  substantia  corporea.  Scio  Paulum  appellare  corpus  Domini  gloriosum  corpus  coeleste,  sed  in  alio  sensu  et  in  alia  causa.  Recte  tu  dicis  nos  non  aider  coniungi  Christo  quam  quum  mente  ascendimus  in  coelum,  haud  dubie  ipsum  Dominum  fide  apprehendentes.  Manet  enim  corpus  Christi  ad  dexteram  patris,  nec  ascendit  nec  descendit  amplius,  donec  veniat  in  iudicium.  Descendit  quidem  Dominus  spiritu  suo  in  animos  nostros  et  nobis  praesens  est  per  spiritum.  Audio  te  approbare  tropum;  hoc  ut  audirem  a  te  significantissime  attuli