23:714  demie  unce  et  cependant  il  trouvera  pour  nous  condamner  en  un  quintal.  Et  que  sera-ce?  Ainsi  que  nous  apprenions  de  bien  cognoistre  quels  nous  sommes,  a  fin  de  n'estre  rien  du  tout.  Et  pensons  comme  i'ay  desia  dit,  que  nous  ne  pouvons  parvenir  a  salut  sinon  quand  nous  sommes  asseurez  de  Dieu  pour  l'invoquer  comme  nostre  Pere.  Or  outre  cest  abus  premier,  il  y  a  le  second,  c'est  que  ceux  qui  se  penseut  iustifier  par  leurs  merites,  ne  regardent  point  qu'il  n'y  a  pas  une  seule  oeuvre  qui  soit  bonne,  quand  Dieu  la  voudra  [pag.  162]  iuger  a  la  rigueur,  i'ay  desia  dit  qu'encores  que  nous  fissions  la  moitie  de  la  Loy  ou  les  trois  pars,  que  ce  n'est  rien:  car  nous  ne  laisserons  pas  d'estre  condamnez  si  nous  avons  defailli  en  un  seul  article:  mais  voici  encores  une  autre  raison,  c'est  assavoir,  que  nous  n'approchons  nullement  d'accomplir  la  Loy  ni  du  tout  ni  en  partie.  Et  comment  cela?  Nous  dismes  hier  que  nos  oeuvres  ne  se  iugent  point  de  Dieu  a  nostre  opinion.  Il  a  son  pris  et  sa  balance.  Et  comment  les  iuge-il?  C'est  si  le  coeur  est  du  tout  pur  et  nettoye  de  toutes  souillures  charnelles.  Et  ou  se  trouvera  un  tel  coeur?  Nous  sommes  tousiours  envelopez  en  beaucoup  d'affections  mauvaises,  et  combien  qu'elles  ne  dominent  point  en  nous,  toutesfois  si  est-ce  que  nous  ne  les  pouvons  pas  du  tout  despouiller.  Il  ya  a  davantage  que  iamais  nous  n'aurons  un  tel  zele  de  glorifier  Dieu  comme  il  seroit  requis,  il  y  aura  tousiours  quelque  infirmite:  nous  y  tendrons  bien,  mais  ce  n'est  pas  qu'il  y  ait  perfection  telle  qu'elle  puisse  suffire  devant  sa  face.  Car  il  n'est  point  ici  question  de  dire,  ie  cuide,  ie  pense,  mais  il  faut  conclure,  Dieu  l'a  ainsi  prononce,  Dieu  l'approuve.  Nous  serons  donc  bien  loin  de  rien  meriter  devant  luy,  ne  d'avoir  repos  en  nos  consciences:  car  outre  ce  que  nous  defaillons  en  beaucoup  d'endroits,  et  qu'il  n'y  a  celuy  qui  n'ait  des  remords  [pag.  163]  tous  les  iours,  encores  que  nous  cuidions  le  mieux  faire  qu'il  est  possible,  tant  y  a  que  nous  allons  en  clochant.  Il  y  aura  quelque  debilite  qui  polue  les  bonnes  oeuvres  mesme.  Y  a-il  iamais  eu  oeuvre  meilleure  que  celle  d'Abram,  quand  il  a  este  prest  de  tuer  son  fils?  Et  toutesfois  il  est  certain  qu'il  a  eu  beaucoup  de  regrets  en  soy,  qui  monstroyent  sa  foiblesse.  Voila  donc  ceste  oeuvre  qui  est  encores  souillee  devant  Dieu,  et  ne  peut  estre  reputee  pour  merite.  Que  sera-ce  maintenant  de  ce  que  nous  faisons,  veu  qu'il  n'y  a  celuy  qui  ne  se  trouve  bien  empesche,  quand  il  est  question  de  se  mettre  en  chemin?  Encores  qu'on  se  vueille  employer  pour  servir  Dieu  fidelement,  tant  y  a  qu'on  n'y  va  point  d'une  telle  droicture  et  integrite  qu'il  seroit  requis,  non  pas  de  la  centiesme  partie.  Ainsi  donc  il  nous  faudra  tousiours  demourer  en  trouble  et  inquietude,  et  si  nous  ne  sommes  pas  trop  aveugles  chacun  cognoit  cela.  Or  i'ay  desia