8:713  713  EPISTOLAE  AD  CALVINUM.  coelestia  {Ioan.  S  et  6),  foedere  novo  viam  novam  {Heb.  10),  omnia  nova  {2.  Cor.  5).  Adde,  quod  eodem  capite  {1.  Cor.  10)  vocat  Paulus  Israelem  carnalem,  ad  differentiam  spiritualis:  ergo  differentia  est.  Ea  omnia,  ait,  in  figura  illis  contigisse:  ergo  non  erat  ibi  veritas:  ergo  differentia  est  inter  figuram  et  figuratum.  Praeterea  apostolus  ipse  aperte  docet,  eos  omnes  eandem  inter  se  escam  comedisse,  tam  bonos,  quam  malos,  non  eandem  nobiscum:  nec  hoc  ad  rem  facit.  Docet  Paulus,  ex  paritate  cibi  non  fuisse  inter  eos  parem  electionem,  sicut  nec  inter  nos.  Doctrinam  nobis  ibi  dat,  ne  ob  cibum  illum  insolescamus,  et  reprobi  interim  efficiamur,  ut  praecedenti  capite  concluserat.  Ad  quam  rem  pertinenter  adducit  exemplum  ex  veteri  figura.  Sicut  Uli  omnes,  inquit,  pari  cibo  vescentes  non  pariter  Deo  placuerunt,  ita  nobis  est  cavendum.  Sicut  illi,  qui  figuram  gerebant  nostri  baptismi  et  coenae,  ob  sequuta  scelera  perierunt:  ita  nobis  est  cavendum,  ne  similibus  flagitiis  pereamus,  postquam  baptisati  fuerimus,  et  Christum  eundem  manducaverimus.  Potestne  postea  perire,  qui  Christum  semel  manducavit?  N'on  potest,  si  perseveret.  Alioqui  potest  fieri  [pag.  663]  reprobus,  ut  ibi  docet  Paulus:  et  qui  stat,  cadere  potest,  ut  ibidem  subnectit.  Potest  homo  semel  in  Christo  regenitus  postea  relabi  {Heb.  6),  ab  arbore  exscindi  {Rom.  ll),  ad  mortem  peccare  {1.  Ioan.  5).  Quanquam  nemo  nisi  vere  regenitus  carnem  Christi  manducet,  manducare  tamen  quis  iuste  potest,  et  postea  lapsus  perire.  Perire  diximus  eos,  qui  per  opera  carnis,  et  supervenientem  infidelitatem  exstinguunt  spiritum  fidei.  Ideo  per  carni  contrarias  spiritus  actiones,  nos  oportet  in  caritate  firmari,  orationibus  et  ieiuniis  spiritu  fidei  foveri,  et  carne  mortificata  magis  vivificari.  Ita  Petrus  ait,  nos  per  facta  haec  et  alia  similia,  quae  ipse  narrat,  debere  operam  dare,  ut  vocationem,  et  electionem  nostram  firmam  efficiamus  {2.  Petr.  I).  Periclitabitur  omnino,  qui  haec  intermiserit,  et  fient  posteriora  deteriora  primis,  si  relabatur.  Relapsus  hic  Uberum  hominem  ostendit,  qui  ob  id  acrius  punitur.  Relapsum  hunc  docet  Christus,  dicens,  palmitem  ipsi  insitum,  si  fructum  non  ferat,  tolli.  Palmes,  qui  viridis  erat,  et