23:713  713  SERMONS.  714  point  en  conte  avec  ton  serviteur.  Car  nul  homme  vivant  ne  sera  iustifie  devant  toy.  Il  faut  donc  conclure  que  nous  serons  tousiours  troublez,  et  que  nos  esprits  seront  perplex,  sinon  que  nostre  salut  procede  d'ailleurs  que  de  nos  merites.  Et  encores  pour  mieux  comprendre  cela,  advisons  bien  a  ce  qui  a  este  dit,  c'est  que  nous  ne  contenterons  pas  Dieu  de  nefles.  Et  c'est  une  chose  terrible  que  de  l'avoir  pour  partie  adverse.  Or  il  le  sera  tousiours  cependant  que  nous  voudrons  presumer  de  nos  oeuvres.  Car  nous  luy  deroguons  autant,  et  luy  voulons  ravir  son  droit,  comme  il  a  este  [pag.  160]  monstre  que  quiconque  n'a  la  bouche  close  pour  ne  s'attribuer  aucune  gloire,  et  quiconques  n'a  la  bouche  ouverte  pour  confesser  qu'il  n'y  a  que  Dieu  seul  qui  soit  iuste,  il  est  certain  qu'il  combat  contre  luy.  Or  nous  ne  gaignerons  pas  nostre  proces:  tousiours  la  condamnation  demourera  sur  nos  testes.  Ainsi  donc  que  nous  penserons  bien  de  ne  point  provoquer  son  ire  a  nostre  escient  a  l'encontre  de  nous,  et  au  reste  il  faut  bien  que  les  hommes  soyent  hors  du  sens,  quand  ils  peuvent  mettre  quelque  confiance  en  leurs  merites.  Et  y  a  ici  double  abus,  voire  et  qui  en  attire  un  troisieme.  Car  il  y  a  un  abus  quand  les  hommes  cuident  pelle-melle  conter  avec  Dieu  ainsi  que  font  les  Papistes.  Et  encores  qu'ils  defaillent  en  beaucoup  d'endroits,  neantmoins  ils  se  font  a  croire  qu'ils  ne  laissent  point  d'estre  acceptez  de  luy.  Or  Dieu  n'a  rien  promis  sinon  a  ceux  qui  accompliront  toute  la  Loy.  Notons  bien  ce  mot  ou  il  est  dit,  Quiconque  fera  toutes  les  choses  escrites  en  la  Loy,  il  vivra  en  icelles:  il  n'est  pas  dit  une  partie  tant  seulement.  Et  c'est  ce  que  dit  sainct  Iaeques,  que  celuy  qui  a  defendu  de  paillardes  il  a  deffendu  aussi  de  desrober.  Quand  donc  un  homme  aura  vescu  chastement  en  toute  sa  vie  cependant  s'il  est  coupable  en  quelque  autre  poinct,  il  ne  laissera  pas  d'estre  condamne.  Et  pourquoy?  [pag.  161]  Ce  que  Dieu  a  conioint,  il  ne  peut  estre  divise  par  nous,  la  iustice  de  la  Loy  ent  conioincte  et  unie:  il  ne  faut  point  donc  que  nous  pretendions  de  la  couper  par  pieces  et  par  morceaux  ne  d'enfaire  certaine  portion.  Or  maintenant  regardons  bien  si  en  tout  et  par  tout  nous  pouvons  nous  aquiter  en  sorte  qu'il  n'y  ait  que  redire  en  toute  nostre  vie,  helas,  qui  sommes-nous?  Comme  dit  Salomon:  Qui  dira  i'ay  purge  mon  coeur?  Il  est  vray  que  beaucoup  le  cuident,  car  il  y  a  aussi  beaucoup  d'ypochrites  au  monde.  Mais  il  faut  qu'un  homme  soit  plus  qu'insense  comme  i'ay  dit  quand  il  en  vient  la:  car  s'il  regarde  a  quel  iuge  il  a  affaire,  quoy  qu'il  en  soit  quand  nous  aurons  bien  pense  a  tout,  il  est  certain  que  si  nous  apportions  a  Dieu  une  unce  ou  demie  qu'il  y  aura  un  quintal  par  maniere  de  dire  a  l'opposite:  nous  cuiderons  le  contenter  d'une