8:712  et  praesens  et  futurum  regnum  Christus  spectet,  pares  a  Christo  fieri  novissimos  primis,  dicimus  in  unius  gratiae  et  unius  fidei  iustificationem.  Neminem  vult  Christus  in  hoc  regno  coelorum  dici  alio  maiorem,  sed  esse  regali  et  sacerdotali  dignitate  pares,  omnes  reges  et  sacerdotes,  aeque  pretiosa  fide  donatos.  Denarius  unus  nobis  omnibus  exhibitus  est,  ipsemet  Christus.  Sicut  olim  dabatur  omnibus  aequa  mannae  mensura,  ita  nunc  Christus,  quod  ad  sui  substantiam  attinet,  aeque  nobis  datur,  licet  eo  non  aeque  fruamur.  In  futuro  quoque  denarius  erit  vita  illa  aeterna,  ubi  amplius  alio  nemo  vivit,  ubi  vivendi  non  erit  diversa  meta.  Denarius  erit  ipsemet  Deus,  omnibus  exhibitus,  licet  eo  non  omnes  aeque  fruemur.  Indicat  insuper  Christus,  fieri  iuste,  ut  una  huius  hora  aequetur  toti  diei  illius  in  mercedis  gloriae  mensura.  Unam  horam  laboravit  Stephanus,  quae  multis  aliorum  diebus  aequatur.  Placuit  Deo,  eum  non  amplius  manere,  et  ei  dare  gloriam,  sicut  aliis,  qui  multos  annos  laborarunt.  Ita  respondet  pater  familias  :  Volo  huic  dare,  sicut  tibi.  Cogitabis  ergo,  Calvine,  ibi  non  agi  de  fidei  aut  operum  varia  qualitate,  sed  tantum  agi  de  temporis  diuturnitate.  Betundit  ibi  Christus  Iudaeorum  supercilium,  qui  ob  id,  quod  tamdiu  in  lege  laborarunt,  videbantur  aliis  nuper  vocatis  largius  remunerandi.  Imo  novissimi  vocati  accipiunt  primi  mercedem.  Nam  sui  laboris  mercedem  non  acceperunt  prophetae,  donec  venerunt  apostoli,  qui  in  labores  eorum  introierunt.  Primi  nos  accipimus,  qui  hic  viventes  accipimus.  EPISTOLA  TRICESIMA.  Pares  Christianis  facis  vulgares  Iudaeos,  quia  scribit  Paulus,  eos  omnes  eandem  escam  spiritualem  comedisse,  omnes  eundem  potum  spiritualem  vidisse,l)  et  omnes  in  mari  baptizatos  [pag.  662]  fuisse  (1.  Cor.  10).  Pares  Uli  omnes  sunt  vobis,  aeque  carnalibus,  quibus  pariter  ignotum  est  adventus  Christi  coeleste  beneficium:  qui  in  coena  nihil  manducatis,  nisi  tropos:  et  qui  baptismum  esse  facitis,  ut  caeremoniam  leviticam,  signum  rei  quae  non  est.  Paresne  regenitis  erant  illi,  qui  omnes  erant  improbi?  Qui  omnes  in  deserto  ob  impietatem  suam  perierunt,  exceptis  solum  duobus?  Controversiam  hanc  praeclare  dirimit  Christus  (Ioan.  6)  dicens:  Non  sicut  manducaverunt  patres  vestri.  Ergo  Uli  non  manducaverunt,  sicut  nos  manducamus.  Illi  manducantes  moriebantur,  nos  manducantes  iugiter  vivimus.  Immortali  cibo  nutriti^  immortalem  vitam  nos  vivimus,  si  perseveremus.  Nova  est  et  coelestis  haec  vita  immortalis,  quam  Christus  nobis  induxit.  Pro  terrestribus  ipse  intulit  1)  bibisse?