23:712  ouvrir  le  royaume  de  paradis.  Et  au  reste  si  c'est  nostre  heritage,  il  faut  que  nous  soyons  enfans  de  Dieu  pour  y  parvenir:  nous  ne  pouvons  estre  enfans  de  Dieu  qu'en  croyant  comme  il  en  est  parle  au  premier  chap.  de  sainct  Jean.  Or  ce  croire  ici  comme  nous  l'avons  declaire,  emporte  certitude.  Et  voila  pourquoy  aussi  il  est  dit  que  nous  pouvons  crier  a  pleine  bouche  que  Dieu  est  nostre  Pere  et  que  sans  cela  nous  ne  pouvons  estre  reputez  ses  enfans.  Et  ce  cri-la  d'ou  procede-il?  De  l'Esprit  d'adoption  dit  sainct  Paul  tant  au  huitiesme  chapitre  des  Rom.  comme  au  quatrieme  des  Galatiens.  Il  faut  donc  que  l'Esprit  de  Dieu  nous  certifie  que  nous  sommes  adoptez  de  luy  tellement  que  sans  [pag.  158]  doute  et  sans  scrupule,  nous  l'invoquions  comme  nostre  Pere,  et  voila  pourquoy  aussi  en  l'autre  passage  au  premier  chapitre  des  Ephes,  et  puis  en  la  premiere  des  Corinthiens  premier  chap.  il  est  appele  le  seau  de  l'heritage  de  salut  que  nous  attendons.  Or  puis  que  ainsi  est  que  la  certitude  de  foy  emporte  que  nous  soyons  adoptez  de  Dieu,  et  que  nostre  salut  est  fonde  la  dessus,  il  faut  qu'il  y  ait  une  signature  comme  d'une  chose  infallible.  Nous  voyons  maintenant  que  ce  n'est  point  assez  que  les  hommes  confessent  que  Dieu  est  autheur  de  leur  salut  et  qui  luy  doit  estre  attribue:  mais  il  faut  que  d'autre  part  ils  ayent  accez  a  luy,  et  que  privement  ils  l'invoquent  coirupe  leur  Pere,  et  qu'ils  soyent  tous  resolus  que  jamais  ne  leur  defaudra.  Or  ceste  certitude  ici  n'a  jamais  este  comprise  en  la  Papaute,  mesmes  ils  bataillent  fort  et  ferme  a  l'encontre,  et  disent  que  nous  ne  saurions  prendre  resolution  que  Dieu  nous  approuve  et  que  nous  soyons  en  sa  grace:  seulement  que  nous  en  avons  quelque  coniecture  proubable.  Or  c'est  destruire  tous  les  fondemens  de  nostre  Chrestiente.  Et  de  fait  quand  S.  Paul  traitte  ceste  matiere  il  nous  amene  a  ceste  raison-la,  c'est  que  si  nous  dependons  de  la  Loy  et  que  nostre  fiance  soit  la  appuyee,  la  foy  donc  est  abolie  et  toutes  les  promesses  aneanties.  Et  pourquoy?  Ce  n'est  pas  que  Dieu  [pag.  159]  ne  soit  fidele  de  son  coste,  mais  c'est  d'autant  que  jamais  nous  ne  parviendrons  a  l'accomplissement  de  ce  qui  est  requis  pour  nostre  salut.  Car  Dieu  nous  promet  bien  de  nous  recompenser  quand  nous  l'aurons  servi,  et  que  nous  aurons  garde  d'un  bout  a  l'autre  tout  ce  qu'il  nous  commande:  Dieu  promet  cela.  Or  ceste  condition  maintenant  est  impossible:  car  iamais  homme  n'a  accompli  la  Loy,  et  iamais  nul  ne  l'accomplira.  Ainsi  donc  ceste  promesse  n'aura  nul  effet  de  nostre  coste.  Il  faudra  que  nous  soyons  tousiours  en  dispute  et  branle  et  en  inquietude,  et  en  la  fin  que  nous  trebuschions  en  desespoir,  quand  nous  voudrons  apporter  nos  oeuvres  et  venir  a  conte  avec  Dieu.  Car  il  est  dit  au  Pseau.  143,  Seigneur  n'entre