8:711  711  SERVETI  712  haec  confessio,  et  ab  errore  viae  conversio,  teste  Iacobo.  Ita  tu  lucrifacis  fratrem  tuum,  reducens  ovem,  quae  errabat  (Matth.  18)  et  ad  mortem  ruebat  Apoc.  3  et  Lucae  15:  ad  mortem  et  interitum  tendebat  fides  hominis,  in  ea  haesitatione  constitutis  et  conscientia  mala  ita  oppressi.  Haec  perspicua  sunt  intelligenti,  qua  ratione  homo  tendat  ad  mortem  et  in  eo  moriatur  fides,  ut  superius  iam  exposui.  Sicut  qui  ad  baptismum  veniunt,  confitentes  poenitent:  ita  et  qui  post  baptismum  a  mala  conscientia  opprimuntur.  Prima  poenitentia  et  confessio  hominem  a  morte  ducit  ad  vitam:  secunda  morientem  hominem  vivum  servat  a  morte  secunda.  Utraque  confessio  fit  Deo,  et  aliquando  homini,  ubi  quid  ab  eo  petendum  videtur.  Esl  itaque  homini  facta  confessio  [pag.  660]  haec  propria  eorum,  qui  atroci  crimine  deterrentur,  in  fide  sunt  infirmi,  aut  inter  quos  est  offensio  aliqua.  EPISTOLA  VICESIMA  NONA.  Quia  parabolam  Christus  adducit  de  hominibus  ad  varias  diei  horas  vocatis  et  aequam  denarii  mercedem  accipientibus,  mox  tu  concludis,  nullum  fore  gloriae  discrimen,  nec  fidei,  nec  operum.  Quid  si  Christus  ibi  aetatum  discrimen  in  operibus  non  faciens,  indicat  nobis,  senem  vocatum  aequari  iuveni  vocato?  Aut  nuper  vocatum  aequari  iam  olim  vocato?  Nec  fidei,  nec  operum  varietas  ibi  inducitur,  sed  temporis.  Quomodo  igitur  hinc  Ubi  mox  persuades,  opera  nihil  ad  gloriam  augendam  prodesse?  Fidem  non  ita  suscipere  magis  et  minus,  ut  gloriam  augere  possit?  Denique  nec  fides,  nec  opera,  tibi  quidquam  prosunt,  quum  ita  quis  solvetur  sine  illis,  sicut  cum  illis,  solo  genealogiae  fato,  ut  de  tuo  infante  contendis.  Iustificatum  eum  esse  dicis,  antequam  credat,  et  vere  salvatum,  esto  sine  fide  moriatur.  Atque  ita  sequentem  Christi  salvatoris  fidem  salutem  non  efficere.  Falsum  est  igitur,  quod  scribitur:  Qui  non  credit  filio  Dei,  non  habet  vitam,  sed  ira  Dei  manet  super  eum:  et  qui  credit,  transit  a  morte  ad  vitam.  Annon  fides  iustificat  impium?  Fides  Christi  vere  facit  ex  iniusto  iustum,  ex  impio  pium,  ex  mortuo  vivum  (Ioan.  5  Bom.  4,  5  et  Coloss.  2).  Fides  Christi  vere  liberat  eum  qui  ante  erat  servus  peccati  et  mortis  {Ioan.  8  et  Bom.  6).  Ex  filio  irae  facit  filium  Dei  (Ephes.  2).  De  tenebris  transfert  ad  lucem,  et  de  potestate  Satanae  ad  Deum  (Actor.  26,  Coloss.  1  et  1.  Petr.  2).  Vere  ergo  iniustus  quis  erat,  antequam  crederet,  impius  erat,  mortuus  in  tenebris,  et  sub  potestate  Satanae.  Evangelium  totum  ignorat,  qui  hanc  efficaciam  non  tribuit  fidei  Christi.  Fidem  vero,  sicut  et  reliqua,  suscipere  magis  et  minus,  augeri  et  minui,  notius  est,  quam  ut  hic  debeat  demonstrari.  Superest  [pag.  661]  latius  exponenda  proposita  Christi  parabola,  quae  multa  complectitur.  Quum  in  parabolis  regni  coelorum