7:711  711  CONSENSIO  712  et  exponerent,  alteram  gratiam,  disparem  quidem,  verumtamen  subsequentem  in  ecclesia  Dei  reperirent.  Non  ergo  expositores  eorum  ita  loqui  debent  tanquam  se  ipsi  exponendos  simili  autoritate  proponant,  sed  in  omnibus  sermonibus  suis  primitus  et  maxime  ut  intelligantur  elaborent,  ea  quanta  possunt  perspicuitate  dicendi,  ut  aut  midtum  tardus  sit  qui  non  intelligit,  aut  in  rerum,  quas  explicare  atque  ostendere  volumus,  difficultate  ac  subtilitate,  non  in  nostra  loquutione  sit  causa  quo  minus  tardiusve  quod  dicimus  possit  intelligi.  Tantum  Augustinus.  Cuperem  itaque  ut  loquendi  formis  a  scriptura  quidem  positis,  non  simplicibus  sed  explicatis,  uteremur,  et  ut  nostris  verbis  loquente?  de  sacramentis  tam  clare  et  simpliciter  loqueremur,  ut  nulla  opus  esset  alia  expositione.  Et  placet  hic  quidem  mirum  in  modum  vetus  expositio:  signa  propter  similitudinem  usurpare  rerum  signatarum  nomina.  Sic  enim  aqua  baptismi  visibilis  appellatur  lavacrum  regenerationis:  non  quod  aqua  per  se  ipsam  regeneret,  sed  quia  symbolum  est  vel  obsignatio  regenerationis,  quae  fit  interius  a  Deo  per  spiritum  sanctum.  Appellantur  apostoli  in  prophetis  servatores,  et  lux  mundi  in  evangelio.  Dicit  Paulus  se  generare  Corinthios  Christo.  Sed  idem:  Quis  igitur  est  Paulus,  ait,  quis  autem  Apollos,  nisi  ministri  per  quos  credidistis,  et  ut  cuique  Dominus  dedit?  Dominus  dat  fidem  et  spiritum:  quia  tamen  utitur  opera  ministrorum,  dicuntur  et  hi  gignere,  adde  et  convertere,  sed  in  suo  munere.  Nam  qui  nuncupavit  se  Dei  cooperarium,  idem  clamat:  Dei  agricolatio,  Dei  aedificatio  estis.  Item:  Ego  plantavi,  Apollos  rigavit,  sed  Deus  dedit  incrementum:  itaque  non  qui  plantat  est  aliquid,  neque  qui  rigat,  sed  qui  dat  incrementum  Deus.  Impositio  manuum  erat  symbolum  demissi  vel  demittendi  spiritus  sancti,  quem  nulla  creatura  dabat,  neque  dabatur  propter  ullam  creaturam,  sed  solus  creator  dat  illum  propter  se.  Ita  rursus  Augustinus:  Quomodo  Christus,  inquit,  Deus  non  est  qui  dat  spiritum  sanctum?  Neque  enim  aliquis  discipulorum  eius  dedit  spiritum  sanctum.  Orabant  quippe  ut  veniret  in  eos  quibus  manum  imponebant:  non  ipsi  eum  dabant.  Et  mox:  Denique  et  Simon  Magus,  offerens  apostolis  pecuniam,  non  ait:  Date  et  mihi  hanc  potestatem  ut  dem  spiritum  sanctum,  sed:  cuicunque,  inquit,  imposuero  manus,  ut  accipiat  spiritum  sanctum.  Item:  Nos  accipere  quidem  hoc  donum  possumus  pro  modulo  nostro,  effundere  autem  super  alios  non  utique  possumus;  sed  ut  hoc  fiat,  Deum  super  ipsos,  a  quo  hoc  efficitur,  invocamus.  Haec  ille  Trinit,  lib.  XV.  cap.  2b.  Iam  quod  scriptum  est,  spiritum  sanctum  datum  esse  per  impositionem  manuum,  addatur  e  J  positio  quod  haec  quondam  fuerit  externum  symbolum  et  testimonium  a  Deo  exhibiti  aut  exhibendi  muneris,  et  intelligent  omnes,  Deum  solum  conferre  spiritum,  homines  iubente  Deo  addere  symbolum.  Saltem  ex  libro  meo  de  sacramentis  scripto,  quem  legisti  oh  m,  didicisse  debueras,  me  neutiquam