23:711  711  SERMONS.  712  enflammez  d'un  tel  desir  et  affection  qu'il  apartient  pour  cercher  nostre  iustice,  non  point  en  nos  merites,  mais  tout  a  l'opposite,  ayans  este  despouillez  de  toute  arrogance  nous  chercherons  tout  nostre  bien  et  salut  en  la  personne  de  son  Fils  unique,  tellement  qu'ayans  cognu  qu'il  nous  a  tirez  des  tenebres  de  mort,  nous  serons  disposez  et  aurons  la  bouche  ouverte  pour  prescher  ses  louanges  inenarabies,  comme  sainct  Pierre  en  parle  traittant  aussi  de  la  fin  de  nostre  salut  au  premier  chap  de  sa  premiere  Canonique.  PRIERE.  [pag.  156].  Or  nous-nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  priant  que  de  plus  en  plus  il  nous  les  face  sentir,  et  qu'il  nous  guide  tellement  par  son  sainct  Esprit,  que  nous  ne  cerchions  sinon  qu'a  le  glorifier  et  benir  son  sainct  nom,  et  a  recognoistre  en  combien  de  sortes  nous  sommes  tenus  a  luy,  voire  tenans  de  luy  toute  esperance  de  vie  que  nous  avons,  et  cependant  que  nous  ne  soyons  point  lasches  a  le  servir,  mais  que  nous  mettions  peine  de  nous  renger  a  sa  saincte  volonte  iusqu'a  ce  qu'il  nous  ait  tellement  despouillez  de  toutes  les  corruptions  de  nostre  chair,  que  nous  soyons  pleinement  revestus  de  sa  iustice.  Ainsi  nous  dirons  tous,  Dieu  tout  puissant  pere  celeste,  etc.  La  Fin.  TROISIEME  SERMON  DE  LA  IUSTIFICATION.  Genese  Chap.  15.  6.  Abram  creut  a  Dieu,  et  luy  reputa  cela  a  iustice.  Nous  vismes  hier  qu'il  ne  faut  nullement  entrer  en  partage  avec  Dieu  quant  a  la  cause  de  nostre  salut,  mais  que  toute  la  louange  luy  en  doit  estre  reservee  [pag.  157].  Car  quand  nous-aurons  bien  cerche  tout  ce  qui  se  peut  trouver  en  l'homme  la  conclusion  sera  qu'il  est  tellement  desnue  de  toute  integrite  qu'il  n'y  a  en  luy  que  toute  corruption  et  par  consequent  qu'il  n'y  a  que  mort.  Or  encores  n'est-ce  pas  assez  de  cognoistre  que  Dieu  doit  estre  luy  seul  glorifie,  et  que  de  nostre  coste  nous  devons  estre  comme  aneantis,  car  il  faut  que  nous  soyons  asseurez,  ou  autrement  la  porte  de  salut  nous  est  fermee.  Quand  il  est  dit  que  nous  vivons  de  foy,  comme  sainct  Paul  allegue  le  passage  du  prophete  Abacuch,  par  cela  il  nous  est  monstre  que  la  foy  nous  est  comme  une  clef  pour  nous