8:710  Imo  quia  huic  negotio  adhibebantur  presbyteri,  ubi  quidam  in  alio  erat  scrupulus,  uni  aut  pluribus  presbyteris  se  ostendebat,  consilium  et  opem  petebat,  confitebatur  peccata  sua.  Illi  resipiscere  hominem  docentes,  et  in  fide  Christi  firmantes,  pro  eo  orabant,  ut  ei  peccata  illa  remitterentur.  Si  veri  erant  Christi  ministri,  quam  plurimum  homini  peccanti  et  infirmo  prodesse  poterat  ipsorum  doctrina  et  oratio,  Galat.  6,  Iacobi  o  et  1.  Ioan.  5.  Peccata  illi  remittebant,  quibus  dixit  Christus:  Quorumcunque  remiseritis  peccata,  remittuntur  eis.  Ministri  Christi  potestatem  habent  reconciliandi  homines  Deo,  et  in  persona  Christi  condonant,  quasi  eius  legati,  ut  tota  ad  Corinthios  epistola  secunda  Paulus  docet,  Ioannes  item  et  Iacobus  locis  iam  citatis.  Hanc  veris  ecclesiae  ministris  perpetuam  inesse  ligandi  et  solvendi  facultatem,  docet  ipse  Christus,  Matth.  18,  ut  quamcunque  rem  duo  ex  illis  orent,  impetrent.  Potestatem  insuper  habent  exercendae  vindictae  adversus  incredulos,  ut  eos  excommunicando  Satanae  et  morti  tradant.  Hanc  autem  potestatem  omnem  exercent  virtute  spiritus,  monendo  et  orando.  Sed  an  satisfactionem  illi  docebant?  Docebant  vere,  faciendos  esse  fructus,  dignos  poenitentia:  furtum  restituendum,  si  sit  facultas.  Docebant,  ieiunio  et  oratione  cohiberi  carnis  lasciviam,  carnem  mortificari,  et  spiritum  vivificari,  eleemosynis  peccatum  redimi,  Deum  pro  singulis  rependere,  et  remittenti  remittere.  Quemadmodum  corde,  ore  et  opere  Deum  offendimus,  ita  poenitentes  corde  dolemus,  ore  confitemur,  et  opere  velut  satisfacimus.  Quemadmodum  opera  mala  spiritum  fidei  exstinguunt,  ita  bona  eum  vivificant.  Spiritum  fidei  peccatis  laesum  velut  restituimus,  veniam  obtinentes  fide  [pag.  659]  ipsa,  quam  talia  opera  aliquo  modo  reficiunt  Atque  ita  ad  peccati  commissi  et  poenae  ipsius  remissionem,  aliquid  faciunt  opera,  ipsi  fidei  adiuncta.  Begenitis  et  fide  iustificatis,  adhuc  superest  haec  peccatorum  quotidiana  remissio.  Peccata  hic  intellige,  a  gratia  Christi,  et  eius  regeneratione,  non  penitus  excludenda,  quae  non  sunt  penitus  ad  mortem.  Papistae  vocant  mortalia  peccata,  quae  in  lege  erant  mortalia,  ex  transgressionis  maledictione.  A  quovis  eorum  aiunt  penitus  interimi  gratiam,  quam  ipsi  fingunt  esse  qualitatem  quandam.  Ita  ipsi  leges  suas,  cum  fictitiis  qualitatibus  observant  Christianis  vero  peccata,  etiam  gravissima,  non  sunt  ad  mortem,  per  sistente  fide:  sed  ad  mortem  sensim  ducunt,  fidem  exstinguendo,  quia  sunt  opera  carnis  spiritui  fidei  contraria.  Haec  est  igitur  confessionis  summa,  ut  in  christiani  hominis  arbitrio  posita  sit,  ad  exstirpandam  conscientiam  malam.  Se  ipsum,  debet  homo  probare,  antequam  ad  coenam  accedat,  et  seniores  in  Christi  doctrina  exercitatos  in  consilium  adhibere,  si  de  re  quapiam  dubitat  Alioqui  mors  etiam  corporalis,  et  poena  alia  temporalis  imminet  indigne  accedenti  {1.  Cor.  ll)  a  quibus  omnibus  liberat  haec  confessio.  Item  a  morte  perpetua  liberat  45*