23:710  paravant,  c'est  que  la  iustice  dont  Moyse  parle  ici,  n'est  pas  une  chose  qui  reside  en  nos  personnes,  mais  la  remission  gratuite  de  Dieu,  quand  ii  nous  est  propice  et  favorable,  et  qu'il  nous  aime,  combien  que  nous  n'en  soyons  pas  dignes:  car  ce  qui  est  ici  declaire  par  Moyse  ne  se  trouvera  pas  en  tous  hommes,  mais  en  Iesus  Christ  nous  trouverons  dequoy  estre  iustifiez.  Et  comment?  C'est  que  le  diable  nous  accuse  et  que  Dieu  soit  prest  a  nous  iuger  et  condamner:  voila  nostre  Seigneur  Iesus  Cbrist  qui  respond  pour  nous  comme  nostre  pleige.  Voila  son  obeissance  qui  nous  sert  de  manteau  pour  couvrir  toutes  nos  rebellions  et  iniquitez.  Il  a  satisfait  pour  nous,  et  nous  a  acquitez  de  toutes  nos  debtes  par  le  merite  de  sa  [pag.  154]  mort,  et  puis  il  a  espandu  son  sang  pour  nostre  lavement:  brief,  nous  trouvons  en  la  personne  du  Fils  de  Dieu  tout  ce  qui  est  requis  pour  nous  rendre  agreables,  d'autant  que  nos  pechez  ne  nous  sont  plus  imputez.  Voila  donc  en  somme  ce  que  nous  avons  encores  a  retenir  sur  ce  passage.  Or  il  reste  de  passer  plus  outre,  c'est  assavoir,  quand  Dieu  nous  a  ainsi  receus  a  merci  pour  un  coup,  comment  il  continue  a  nous  tenir  et  avouer  pour  iustes  tout  le  temps  de  nostre  vie,  et  en  la  mort  mesmes:  car  c'est  le  principal  ou  il  nous  faut  venir,  toutesfois  cela  ne  se  pourra  pas  traitter  maintenant.  Il  suffira  donc  a  fin  que  les  choses  soyent  bien  retenues,  d'avoir  cognu  quelle  ouverture  il  nous  faut  avoir  pour  estre  participans  du  salut  eternel  qui  nous  a  este  apporte  par  le  Fils  de  Dieu,  c'est  que  nous  sachions  combien  nostre  condition  est  miserable,  et  que  ce  ne  soit  point  pour  le  confesser  de  bouche,  et  pour  en  avoir  quelque  imagination  volage;  mais  que  nous  soyons  navrez  d'une  telle  tristesse  que  nous  soyons  confus  devant  Dieu  iusques  a  nous  hair  et  nous  despiter  contre  nous  mesmes.  Quand  nous  serons  ainsi  nos  iuges,  voila  comme  nous  serons  absouts  de  Dieu.  Quand  nous  serons  ainsi  morts  en  nousmesmes,  voila  comme  nous  trouverons  nostre  vie  en  Iesus  Christ.  Car  il  ne  [pag.  155]  suffit  point  que  nous  cognoissions  que  nous  sommes  povres  malades,  et  que  nous  sommes  povres  et  indigens:  mais  il  faut  que  nous  soyons  morts  du  tout,  a  fin  que  nous  soyons  vivifiez  par  la  seule  grace  de  nostre  Seigneur  Iesus  Christ��  Et  sur  cela  que  nous  venions  a  ceste  humilite  que  l'Escriture  requiert  de  nous,  qui  est  pour  rendre  a  Dieu  l'honneur  qui  luy  appartient.  Ce  n'est  point  sans  cause  que  David  dit  que  le  Sacrifice  que  Dieu  demande,  est  un  coeur  humble  et  abatu:  car  autrement  nous  ne  pouvons  avoir  accez  a  luy,  iusques  a  ce  que  nous  soyons  pleinement  aneantis.  Ainsi  donc  il  faut  qu'il  y  ait  une  telle  affection  que  nous  soyons  angoissez  en  nos  destresses,  et  alors  nous  confesscrons  a  bon  escient  que  nous  ne  sommes  point  iustes.  Alors  aussi  nous  serons  45*