9:71  71  SECUNDA  DEFENSIO  72  tenus  ipse  noster  est.  In  hac  doctrina  [pag.  56]  sic  persto,  ut  me  non  minus  inscite  quam  inique  Westphalus  anguillae  comparet.  Quid  enim  dubii  vel  perplexi  in  hac  doctrina  reperit?  Corpus  Christi  vere  spiritualem  esse  cibum,  cuius  substantia  animae  nostrae  pascuntur  et  vivunt,  idque  non  minus  vere  in  sacra  coena  nobis  praestari,  quam  externo  symbolo  figuratur:  modo  ne  corpus  quasi  e  coelo  detractum  in  pane  quispiam  falsa  imaginatione  includat.  Quia  Westphalum  offendit  haec  exceptio  ,  anguillam  cauda  non  posse  teneri  clamat.  In  Commentariis  mo  tectiorem  fuisse  dicit,  sic  temperatis  coloribus,  ut  nonnulli,  quamvis  non  obtusi  nec  hebetes,  vix  divinarent  quid  mihi  vellem.  De  meo  studio  hoc  sancte  testabor,  quanquam  in  Dei  veritate  pure  et  sincere  tradenda  summa  a  me  religio  adhibita  fuit,  non  tamen  minori  fuisse  curae,  ut  in  ipsa  dicendi  forma  simplex  niteret  perspicuitas.  Quid  mea  sedulitate  adeptus  sim,  loquuntur  ipsi  libri,  quos  iactat  fuisse  gratiores,  quia  videbar  idem  cum  suis  sentire:  nunc  vero  postquam  me  Consensio  e  latebris  in  lucem  protraxit,  hanc  gratiam  fuisse  perditam.  Quid  apud  Westphalum  et  similes  gratiae  [pag.  57J  acquisierint  Commentarii,  quid  Consensio  abstulerit,  nescio.  Sed  quid  si  minime  obscurum  est,  quaecunque  in  Consensione  capita  reprehendit,  vel  ex  Commentariis  desumpta  esse,  vel  totidem  fere  verbis  illic  haberi:  unde  nova  ista  alienatio?  Quid  moliatur,  nemo  tam  hebes  est  quin  olfaciat.  Neque  etiam  dissimulat  ipse  alibi,  hoc  se  moliri  cum  sodalibus,  ut  libros  meos  undique  exterminent.  Qua  aequitate,  ipsi  viderint:  quando  probabile  non  est  gratos  fuisse  piis  lectoribus,  nisi  ad  ecclesiae  aedificationem  apti  fuissent  et  utiles.  Ergo  probos  et  sani  iudicii  homines,  qui  hoc  experti  sunt,  non  fore  tam  fastidiosos  arbitror,  ut  ob  articulum  unum  multicipli  doctrinae  fructu  se  privent.  Quam  vero  secum  belle  consentiat,  ex  duabus  eius  sententiis  aestiment  lectores.  Defensionem  scribendo  dicit  me  ad  latebras  iterum  fugisse,  ut  quasi  nube  tectus  incedam  incognitus,  proxima  vero  pagina  aliunde  probationes  sumere  opus  esse  negat,  quibus  me  convincat  aliud  sentire,  quia  non  paucas  suppeditat  una  Defensio.  Ubi  igitur  nubes  illa,  qua  me  obtegere  volui?  Dicit  me  non  ita  sub  fraudibus  latere,  quin  me  prodam,  [pag.  58J  Atqui  si  quidquam  fraudulente  tentassem,  non  deerat  mediocris  ad  cavendum  prudentia.  Sed  hoc  reperient  lectores,  mihi  nihil  fuisse  maiori  curae,  quam  ut  omni  ambiguitate  discussa,  enucleate  traderem  quod  ego  quotidie  in  ecclesia  profiteor  ac  doceo,  et  quod  Deus  ipse  me  ex  animo  sentire  optimus  testis  est  ac  iudex.  Caeterum,  quia  Westphalus  quidquid  reprehensione  dignum  censebat,  vel  saltem  quidquid  mordere  volebat,  in  novem  capita  distribuit,  eundem  ego  quoque  ordinem  sequar.