8:71  71  DE  SCANDALIS.  72  utilius,1)  nefariam  tamen  esse  audaciam  dicimus,  quum  legem  homines  imponunt,  quae  animas  religione  obstringat.  Sibi  enim  uni  hoc  iuris  vendicat  Deus,  ut  sit  legislator  ac  iudex  noster  (Iac.  4,  12).  Simul  atrocem  Christo  iniuriam  fieri  dicimus,  dum  parta  eius  sanguine  libertas  ita  in  nihilum  redigitur:  nam  eius  beneficio,  nostra  quam  veteris  populi  conditio  in  hoc  quoque  potior  est,  quod  a  dierum  ciborumque  observatione  manumissi  sumus.  Deinde  spirituale  Dei  regnum  in  cibo  et  potu  esse,  cum  Paulo  negamus  (Rom.  14,  17).  Itaque  prava  superstitione  decipi  homines,  quum  partem  sanctitatis  esse  putant  carnium  abstinentiam.  Denique  nihil  quam  Paulo  subscribimus,  qui  diabolicum  esse  dogma  diserte  pronunciat,  cibos  quasi  pollutos  vetare,  quos  Deus  in  usum  hominum  consecravit,  ut  illis  cum  gratiarum  actione  libere  vescantur  (1  Tim.  4,  3).  Nullius  scandali  tanta  habenda  est  ratio,  ut  res  cognitu  adeo  necessarias  silentio  tegere  liceat.  Nondum  tamen  prorsus  dilutum  est  hoc  crimen,  quia  nos  a  ieiuniis  abhorrere  iactant  adversarii,  quae  passim  Dominus  non  parum  commendat.  Primum,  quum  huic  convicio  satis  reclament  [pag.  92]  libri  uobtri  et  conciones,  in  eius  refutatione  minus  est  laborandum.  Verum  excipient,  nos  fixa  iam  olim  de  ieiuniis  decreta  abrogasse.  Fateor,  et  quidem  seriis  adeo  gravibusque  causis  coactos,  ut  improbissime  faciant,  vitio  rem  pie  iusteque  susceptam  nobis  vertentes.  Ieiunium  quadragesimale  ex  Christi  institutione  fluxisse,  veteri  tritaque  opinione  receptum  erat.  Error  in  speciem  levis,  sed  tamen  error,  et  minime  ferendus.  Quam  stulte  et  insulse  cogitatum  id  fuerit,  quam  temere  creditum,  nullo  negotio  monstrare  promptum  est.  Nam  si  nos  ad  annuum  ieiunium  suo  exemplo  invitare  Christus  voluit,  cur  semel  hoc  tota  vita,  non  quotannis  agressus  est?  Cur  non  statim  ritum  inter  suos  discipulos  instituit?  Cur  non  protinus  ab  eius  resurrectione  apostoli,  quasi  praescriptam  a  magistro  regulam,  servarunt?  Et  cur  nobis  potius  imitandum  Christi  ieiunium,  quam  Moisis  veteri  populo?  Quis  autem  prophetarum  aut  fidelium,  quod  a  Moise  factum  erat,  in  exemplum  traxit?  Adde  nunc  illud  alterum,  esse  eiusmodi  errorem,  qui  nisi  magna  fidei  nostrae  iactura  dissimulari  nequeat.  Miraculo  illo  sancitam  fuisse  evangelii  doctrinam,  quo  certior  esset  eius  autoritas,  nemini  dubium  est.  Itaque  Christum  per  totos  quadraginta  dies  non  esuriisse,  evangelica  historia  commemorat.  Quod  divinitus  gessit  Christus,  ut  doctrinae  suae  reverentiam  supra  1)  Sic  edd.  omnes  inde  a  1551.  Princeps  nescio  quo  pacto:  Etiamsi  confitendi  more  nihil  esset  utilius.  Gallus:  Qu'on  amene  les  utilitez  qu'on  pourra  recueillir,  comme  les  Papistes  contrefont  les  medecins  pour  faire  trouver  leur  defense  bonne  .  .  .  .