58:71  71  QUATEIEME  SERMON  72  Dieu  pour  nostre  Pere:  que  nous  cognoissions  qu'il  n'y  a  union  vraye  ne  sainte  qu'en  Iesus  Christ  :  que  nous  retenions  (di-ie)  les  principes  de  nostre  Foy:  et  si  nous  ne  comprenons  pas  toutes  les  choses  si  distinctement  comme  il  seroit  a  souhaiter,  que  les  ignorans  et  debiles  s'humilient,  et  qu'ils  ne  perdent  point  courage.  Ainsi,  que  ceux  qui  sont  les  plus  avancez,  les  supportent  en  attendant  que  Dieu  les  ait  reduits,  et  qu'il  leur  ait  oste  ces  opinions,  ausquelles  ils  sont  embrouillez.  C'est  ce  que  saint  Paul  dit  aux  Philipiens:  car  il  monstre  comme  nous  devons  estre  conioins  ensemble,  et  quel  est  le  lien  de  nostre  concorde  et  fraternite.  Or  aiant  remonstre  cela,  il  conclud,  Que  donc  nous  n'aions  point  des  opinions  diverses  entre  nous,  et  que  nos  langages  aussi  ne  soient  point  divers.  Mais  encore  (dit-il)  si  vous  ne  pouvez  pas  atteindre  a,  une  telle  perfection,  et  qu'il  y  ait  quelcun  qui  aille  comme  en  clochant,  et  qui  ne  puisse  pas  atteindre  les  autres,  qui  ne  soit  pas  assez  agille  pour  tout  comprendre:  attendez  (dit-il)  que  Dieu  le  vous  revele.  Voila  donc  le  premier  que  nous  avons  a  faire:  C'est,  de  nous  accorder  en  la  pure  et  simple  verite  de  Dieu.  Mais  d'autant  qu'il  n'est  pas  donne  a  tous  d'avoir  du  premier  coup  une  intelligence  certaine  de  tous  les  poincts  de  la  Religion  :  et  bien,  s'il  y  a  quelque  ignorance,  qu'on  tende  la  main  a  ceux  qui  sont  ainsi  embrouillez,  voire,  et  que  de  leur  coste  ils  ne  soient  pas  opiniastres.  Car  quelquefois,  et  le  plus  souvent,  on  verra  que  les  plus  ignorans  seront  les  plus  hardis  et  temeraires  :  et  puis  il  y  aura  l'opiniastrete,  qu'on  ne  pourra  rien  gaigner  envers  ceux.  Or  saint  Paul,  pour  remedier  a  ce  mal-la,  dit,  Attendez  que  Dieu  le  vous  revele.  C'est  donc  ce  que  nous  avons  a  retenir:  mais  .qu'il  nous  souviene  aussi  de  ce  qu'il  met:  c'est  assavoir,  que  quand  nous  accorderons  en  nostre  Seigneur  Iesus  Christ,  et  que  nous  ne  regarderons  sinon  a  sa  gloire,  que  nous  allions  tousiours  nostre  train  :  et  cependant,  s'il  y  a  quelque  petite  riote,  que  cela  ne  soit  point  pour  nous  separer  du  tout  les  uns  d'avec  les  autres.  Car  ce  sera  assez  quand  nous  aurons  ceste  clef,  encores  qu'en  d'aucuns  endroits  nous  ne  soions  pas  si  resolus,  comme  il  seroit  de  besoin:  si  est-ce  que  si  nous  ne  sommes  point  distraits  ne  divertis  de  nostre  Seigneur  Iesus  Christ,  c'est  assez.  Et  au  reste,  quand  nous  tendrons  a  sa  gloire,  chacun  cognoistra,  mesme  les  plus  avancez,  qu'ils  sont  encores  bien  loin.  Qui  est  cause  que  ceux  qui  sont  savans  et  exercez  en  l'escriture,