56:71  7  X  '  GENESE.  72  dirons-nous  a  monseigneur,  comment  parlerona-nous,  et  comment  nous  iustifierons-nous?  Dieu  a  trouve  l'iniquite  de  tes  serviteurs  :  voici,  nous  sommes  serfs  a,  mon  seigneur,  tant  nous  qu'aussi  celuy,  en  la  main  duquel  a  este  trouvee  la  coupe.  17.  Mais  il  dit  Ainsi  ne  m'adviene  de  ce  faire:  l'homme  en  la  main  duquel  a  este  trouvee  la  coupe,  iceluy  me  sera  serf:  mais  vous,  remontez  en  paix  a  vostre  pere.  18.  Adonc  Iuda  s'approcha  de  luy,  disant,  Las,  mon  seigneur,  ie  prie  que  ton  serviteur  parle  un  mot  aux  aureilles  de  mon  seigneur,  et  que  tu  ne  te  courrouces  point  a  ton  serviteur:  car  tu  es  ainsi  comme  Pharao.  19.  Mon  seigneur  interrogua  ses  serviteurs,  disant,  Avez-vous  pere  ou  frere?  20.  Adonc  nous  respondismes  a  mon  seigneur,  Nous  avons  nostre  pere  qui  est  ancien,  et  un  ieune  enfant  ne  en  sa  vieillesse,  duquel  le  frere  est  mort,  et  cestuyci  est  demeure  seul  de  sa  mere,  et  son  pere  l'aime.  21.  Or  as-tu  dit  a  tes  serviteurs,  Faites-le  descendre  vers  moy,  afin  que  ie  le  voye.  22.  Et  nous  disions  a  mon  seigneur,  L'adolescent  ne  pourroit  delaisser  son  pere,  que  s'il  laisse  son  pere,  iceluy  mourra.  23.  Lors  tu  dis  a  tes  serviteurs,  Si  vostre  frere  ne  descend  avec  vous,  que  vous  ne  voyez  plus  ma  face.  24.  Et  quand  nous  fusmes  montez  vers  ton  serviteur  mon  pere,  nous  luy  racontasmes  les  paroles  de  mon  seigneur.  25.  Depuis  nostre  pere  dit,  Retournez,  et  nous  achetez  un  petit  a  manger.  26.'  Lors  luy  dismes,  Nous  n'y  pouvons  descendre,  sinon  que  nostre  petit  frere  soit  avec  nous.  Puis  nous  y  descendrons:  car  nous  ne  pouvons  comparoistre  devant  l'homme,  sinon  que  nostre  petit  frere  soit  avec  nous.  27.  Et  ton  serviteur  mon  pere  nous  respondit,  Tous  savez  que  ma  femme  m'a  enfante  deux  enfans,  28.  Dont  l'un  s'en  est  alle  de  moy:  et  ie  di,  Certainement  il  a  este  devore,  et  ne  l'ay  point  veu  iusqu'ici.  29.  Que  si  vous  prenez  aussi  cestuy  de  devant  moy,  et  la  mort  luy  adviene,  vous  ferez  descendre  ma  vieillesse  avec  desplaisance  en  la  fosse.  30.  Et  maintenant,  quand  ie  seray  parvenu  a  ton  serviteur  mon  pere,  et  que  l'enfant  ne  sera  point  avec  nous  (duquel  il  a  l'ame  liee  avec  la  siene).  31.  Quand  donc  il  ne  verra  point  l'enfant,  il  mourra,  ainsi  tes  serviteurs  feront  descendre  avec  douleur  la  vieillesse  de  ton  serviteur  nostre  pere  au  sepulchre.  32.  Et  de  faict,  ton  serviteur  est  garent  pour  l'enfant  vers  mon  pere,  et  a  dit,  Si  ie  ne  te  le  ramene,  ie  seray  oblige  a  peine  a  tousiours-mais  vers  mon  pere.  33.  Ainsi  maintenant  ie  te  prie  que  ton  serviteur  demeure  pour  l'enfant  serf  a  monseigneur,  et  que  l'enfant  remonte  avec  ses  freres.  34.  Car  comment  monteray-ie  a  mon  pere,  si  l'enfant  n'est  avec  moy?  que  ie  ne  voye  la  desplaisance  qui  adviendra  a  mon  pere.