54:71  71  SERMON  VI  72  beaucoup  qui  en  parlent,  qui  ne  scavent  cependant  qu'il  signifie.  Or  la  foy  c'est,  qu'en  premier  lieu  nous  cognoissions  quel  est  le  vray  Dieu,  pour  ne  point  nous  distraire  ne  ca  ne  la  apres  nos  folles  imaginations,  pour  n'estre  point  tirez  aux  idolatries.  Il  faut  que  nous  cognoissions  le  Dieu  vivant:  et  puis  que  nous  le  cognoissions  nostre  Pere,  afin  que  nous  puissions  nous  reposer  du  tout  en  luy,  et  y  mettre  nostre  fiance,  que  nous  attendions  remission  de  nos  pechez  de  luy,  et  que  sur  cela  nous  l'invoquions  en  pleine  hardiesse,  ne  doutans  point  que  nous  ne  soyons  exaucez  en  toutes  nos  requestes.  Voila  doncques  qu'emporte  la  foy,  c'est  que  non  seulement  nous  cognoissions  quel  est  le  vray  Dieu,  mais  que  nous  le  tenions  pour  Pere  et  Sauveur,  estans  asseurez  de  sa  grace  et  de  son  amour,  tellement  qu'en  droite  fiance  nous  le  puissions  invoquer.  Et  pourquoy  est-ce  que  sainct  Paul  a  mis  la  charite  quant  et  quant?  Car  il  semble  qu'il  y  ait  d'autres  choses  requises,  comme  aussi  y  a-il.  Sobriete,  attrempance,  chastete,  patience,  ne  sont-ce  pas  vertus  que  nous  apprenons  en  l'eschole  de  Dieu?  Mais  pource  que  celuy  qui  aime  ses  prochains  aura  le  reste,  voila  pourquoy  l'Escriture  saincte,  quand  elle  veut  parler  sommairement,  use  de  ce  mot  de  Charite,  et  comprend  tout  le  reste  dessous.  Et  de  faict,  ce  n'est  point  sans  cause  que  sainct  Paul  dit,  Que  c'est  le  lien  de  perfection.  Et  puis,  que  si  nous  avons  la  charite  (comme  il  le  met  au  premier  chapitre  des  Ephesiens),  nous  serons  purs  et  irreprehensibles  devant  Dieu.  D'autant  doncques  que  nous  ne  pouvons  aimer  nos  prochains  selon  que  Dieu  le  commande,  que  nous  n'ayons  toutes  nos  affections  formees  a  luy  obeir:  voila  pourquoy  sous  ce  mot  de  Charite,  sainct  Paul  a  comprins  toute  la  vie  des  fideles  quand  elle  sera  reglee  selon  la  parole  de  Dieu.  En  somme,  il  veut  dire  que  quand  nous  serons  du  tout  arrestez  a  Dieu  pour  appuyer  nostre  fiance  en  luy,  pour  l'invoquer,  ne  doutans  point  qu'il  ne  se  monstre  Pere  et  Sauveur  envers  nous,  et  quand  aussi  nous  serons  addonnez  a  sainctete  de  vie,  que  nous  renoncerons  a  nous-mesmes  pour  servir  a  nos  prochains,  c'est  un  signe  que  nous  avons  bien  profite  en  l'escole  de  Dieu,  et  que  la  doctrine  qui  nous  a  conduit  la,  est  la  pure  et  vraye  verite  que  Dieu  commande  qu'on  anonce.  Voila  doncques  ce  que  nous  avons  a  observer,  si  nous  ne  voulons  estre  trompez  de  Satan.  Or  notamment  sainct  Paul  adiouste,  que  c'est  en  Iesus  Christ,  afin  que  nous  ayons  le  Seigneur  Iesus  pour  nostre  conduite,  si  nous  voulons  estre  edifiez  tant  en  charite  qu'en  la  foy  :  et  il  est  impossible  que  nous  ayons  foy,  devant  qu'avoir  cognu  Iesus  Christ.  Or  i'ay  dit  que  la  foy  emporte  que  nous  soyons  asseurez  du  tesmoignage  de  l'amour  de  Dieu.  Et  comment  se  pourra-il  faire?  Sommes-