51:71  71  SERMONS  72  scavoir  ou  nous  allons:  car  nous  avons  nostre  but  qui  nous  est  propose:  et  voila  ou  il  nous  faut  addresser.  Ainsi  donc  apprenons  pour  servir  a  Dieu  selon  sa  volonte,  d'estre  addonnez  pleinement  a  luy,  et  qu'on  cogpoisse  qu'il  nous  veut  tenir  en  telle  union  les  uns  avec  les  autres,  selon  qu'il  nous  a  conioints  d'un  lien  inseparable,  que  nous  ne  cerchons  sinon  d'attirer  a  luy  nos  prochains  :  et  cependant  que  nous  soyons  patiens  et  paisibles  quand  il  est  question  de  corriger:  et  que  toutesfois  nous  ne  voulons  pas  que  les  vices  soyent  nourris  par  flatteries  et  dissimulatione.  Or  nous  nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  priant  que  de  plus  en  plus  il  nous  les  face  sentir:  et  que  ce  soit  pour  nous  faire  gemir  devant  luy  avec  une  vraye  repentance,  et  pour  luy  en  demander  pardon,  et  pour  tousiours  aspirer  d'estre  conioints  a  luy,  et  estre  despouillez  de  toutes  les  corruptions  de  nostre  chair,  et  revestus  de  sa  iustice.  Et  cependant  qu'il  nous  supporte  en  nos  faiblesses,  iusques  a  ce  qu'il  nous  en  ait  delivrez  du  tout.  Ainsi  nous  dirons  tous,  Dieu  tout  puissant,  Pere  celeste  etc.  TRENTENEUVIEME  SERMON.  GALATES.  Chap.  YI,  v.  2  -  5  .  Nous  avons  veu  ce  matin  que  nous  devons  supporter  les  infirmes  ou  nous  voyons  qu'il  y  a  quelque  crainte  de  Dieu  et  bonne  semence,  et  qu'ils  ne  sont  pas  du  tout  obstinez  a  mal:  voila,  donc  ou  il  nous  faut  estre  humains  et  pitoyables:  mais  quand  nous  voyons  un  tel  orgueil  aux  nommes,  qu'ils  despitent  Dieu  avec  une  rage  obstinee:  il  n'est  pas  question  la  d'user  ne  de  mansuetude  ni  de  douceur:  mais  d'autant  qu'on  les  void  ainsi  chevaucher  en  leurs  triomphes,  il  leur  faut  rabatre  ceste  hautesse  quand  ils  s'eslevent  ainsi  a  l'encontre  de  Dieu.  Or  nous  avons  declare  quant  et  quant  pour  garder  une  bonne  mesure  a  reprendre  ceux  qui  ont  failli,  qu'il  est  besoin  qu'un  chacun  pense  a  soy  :  car  nous  devons  estre  nos  iuges  en  premier  lieu,  et  commencer  par  ce  bout-la.  D'autre  coste  voyans  quels  nous  sommes,  et  qu'il  y  a  beaucoup  de  vices  dignes  de  reprehension  en  nous,  que  la  nous  avons  de  quoy  nous  humilier,  et  n'exercer  point  trop  grande  rigueur  ni  excessive  envers  ceux  qui  ont  besoin  qu'on  les  soulage  et  espargne.  Sainct  Paul  donc  continue  maintenant  ce  propos,  en  disant,  que  celuy  qui  cuide  estre  quelque  chose  n'estant  rien,  s'abuse:  car  chacun  ferme  les  yeux  quand  il  est  question  de  penser  a  ses  vices.  Il  est  vray  qu'il  n'y  peut  avoir  une  seule  goutte  de  vertu  en  nous,  qu'incontinent  nous  ne  magnifionscela:  mais  encores  qu'un  chacun  appercoive  nos  pouretez,  mesmes  qu'on  s'en  puisse  moquer  iusques  aux  petis  enfans,  nous  n'y  voyons  goutte.  Or  sainct  Paul  voulant  corriger  ce  vice,  dit  que  les  hommes  sont  marris  d'estre  trompez,  et  neantmoins  chacun  se  trompe  a  son  escient  et  de  son  bon  gre,  voire  par  son  outrecuidance  et  folle  opinion.  Or  par  ce  moyen  il  nous  amene  a