50:71  71  EPIST.  PAULI  AD  CORINTHIOS  II  72  paterno  erga  nos  Dei  amore.  Potest  quidem  etiam  alius  quivis  nobis  divinae  gratiae  esse  testis:  sed  Paulus  hano  functionem  docet  specialiter  ministris  esse  iniunctam.  Quum  ergo  ex  evangelio  pronuntiat  minister  rite  ordinatus,  propitiatum  nobis  esse  Deum:  non  aliter  audiendus  est  atque  Dei  legatus  et  publicam  (ut  aiunt)  personam  sustinens,  atque  ad  id  asseverandum  legitima  autoritate  praeditus.  19.  Erat  Deus  in  Christo.  Quidam  simpliciter  accipiunt  pro  eo,  ac  si  dictum  foret:  Deus  mundum  sibi  reconciliabat  in  Christo.  Sed  plenior  est  sensua  et  uberior:  nempe  quod  Deus  in  Christo  erat:  deinde  quod  eius  intercessione  reconciliabat  sibi  mundum.  Ac  de  patre  quidem  hoc  praedicatur  :  nam  impropria  esset  loquutio,  si  intelligeres  divinam  Christi  naturam  in  eo  fuisse.  Erat  ergo  pater  in  filio:  secundum  illud:  Ego  in  patre,  et  pater  in  me  (Iohan.  10,  38).  Itaque  qui  habet  filium,  simul  et  patrem  habet.  Nam  ideo  hoc  expressit  Paulus,  ut  discamus  Christo  uno  esse  contenti,  quia  in  ipso  reperiamus  etiam  Deum  patrem:  quemadmodum  revera  per  ipsum  nobis  se  communicat.  Perinde  igitur  valet  hoc  ac  si  diceret:  quum  procul  a  nobis  remotus  esset  Deus,  ad  nos  in  Christo  accessit.  Atque  ita  Christus  factus  est  nobis  verus  Immanuel:  eiusque  adventus,  appropinquatio  Dei  ad  homines.  Secundum  membrum  notat  officium  Christi,  nempe  quod  sit  propitiatio  nostra:  quia  extra  eum  nobis  omnibus  infensus  est  Deus,  qui  a  iustitia  descivimus.  Quorsum  ergo  apparuit  Deus  in  Christo  hominibus?  in  reconciliationem,  ut  sublatis  inimicitiis,  qui  alieni  erant,  adoptentur  in  filios.  Etsi  autem  ex  fonte  divini  erga  nos  amoris  Christus  redemptor  profluxit:  donec  tamen  agnoscant  homines  a  mediatore  placatum  esse  Deum,  necesse  est,  eorum  respectu  dissidium  manere,  quod  a  Dei  accessu  eos  prohibeat:  qua  de  re  mox  plura.  Non  imputando  illis.  En  qualiter  in  gratiam  redeant  homines  cum  Deo;  ubi  scilicet  impetrata  peccatorum  remissione  iusti  censentur.  Nam  quamdiu  imputat  nobis  peccata  Deus,  necesse  est  ut  nos  habeat  exosos:  neque  enim  peccatoribus  amicus  aut  propitius  esse  potest.  Sed  videtur  cum  hac  sententia  pugnare  quod  alibi  (Ephes.  1,  4)  dicitur,  nos  fuisse  ab  eo  dilectos  ante  mundi  creationem  :  magis  etiamnum  quod  dicit  Iohannes  (3,  16),  dilectionem,  qua  nos  prosequebatur,  fuisse  causam  cur  peccata  nostra  per  Christum  expiaverit.  Causa  enim  semper  praecedit  suum  effectum.  Respondeo,  nos  fuisse  ante  creationem  mundi  dilectos,  sed  nonnisi  in  Christo.  Interea  tamen  fateor,  dilectionem  Dei  tempore  fuisse  priorem,  atque  ordine  etiam,  quantum  ad  Deum:  sed  respectu  nostri  principium  amoris  in  Christi  sacrificio  statuitur.  Neque  enim  quum  Deum  absque  mediatore  intuemur,  concipere  alium  possumus  erga  nos  quam  iratum  :  mediator  interpositus  facit  ut  sentiamus  nobis  pacatum.  Sed  quia  hoc