49:71  71  EPIST.  PAULI  AD  ROMANOS  72  Idem  aliis  verbis  habetur  ad  Galatas  3,  l  l  :  Quod  ex  lege  nemo  iustificetur,  patet,  nam  iustus  fide  vivet.  Atqui  lex  non  est  ex  fide:  sed  qui  fecerit  haec,  vivet  in  ipsis.  Quia  enim  lex  operibus  mercedem  promittit,  inde  concludit,  fidei  iustitiam1),  quae  gratuita  est,  cum  illa  oper  ar  ia  non  convenire:  quod  non  stabit  si  fides  operum  respectu  iustificet.  Observandae  sunt  diligenter  istae  collationes,  quibus  omne  meritum  prorsus  expungitur2).  5.  Credit  autem  in  eum.  Plena  energiae  periphrasis:  qua  et  fidei  et  iustitiae  substantiam  naturamque  expressit.  Clare  enim  definit,  non  quatenus  meritoria  virtus  est  fides,  iustitiam  nobis  conferre,  sed  quatenus  Dei  gratiam  nobis  impetrat.  Neque  enim  Deum  modo  pronuntiat  datorem  iustitiae:  sed  nos  iniustitiae  damnat  j  ut  nostrae  inopiae  succurrat  Dei  liberalitas.  In  summa,  nemo  ad  fidei  iustitiam  perveniet,  nisi  qui  in  se  erit  impius.  Nam  haec  periphrasis  ad  circumstantiam  Ioci  aptanda  est,  quod  aliena  iustitia  nos  ornet  fides,  quam  a  Deo  mendicat.  Atque  hic  rursus  Deus  iustificare  nos  dicitur,  dum  peccatoribus  gratis  ignoscit,  et  amore  dignatur  quibus  iure  irasci  poterat:  dum  scilicet  nostram  iniustitiam  misericordia  sua  abolet3)  6.  Quemadmodum  etiam  David  finit  beatitudinem  hominis,  cui  Deus  imputat  iustitiam  absque  operibus:  7.  Beati  quorum  remissae  sunt  iniquitates,  et  quorum  tecta  sunt  peccata.  8.  Beatus  vir  cui  non  imputavit  Dominus  peccatum.  6.  Finit  beatitudinem  hominis.  Hinc  perspicimus,  merum  esse  eorum  cavillum,  qui  opera  legis  intra  caeremonias  limitant,  quando  nunc  opera  simpliciter  et  sine  adiecto  vocat,  quae  prius  dicebat  opera  legis.  Si  nemo  infitiari  potest,  simplicem  et  non  restrictam  loquutionem,  qualis  nunc  occurrit,  promiscue  de  opere  quolibet  intelligendam  :  id  perpetuo  in  tqta  disputatione  valere  debet.  Nihil  enim  minus  consentaneum  quam  caeremoniis  solis  vim  iustificandi  adimi,  quum  opera  indefinite  Paulus  excludat.  Huc  accedit  oppositum  membrum,  quod  Deus  homines  iustificet,  peccatum  non  imputando:  quibus  etiam  verbis  docemur4),  iustitiam  Paulo  nihil  esse  quam  remissionem  peccatorum.  Postremo  hanc  quoque  remissionem  gratuitam  esse,  quia  sine  operibus  imputatur:  quod  et  remissionis  nomen  indicat.  Non  enim  remittit  creditor,  cui  numeratum  est:  sed  qui  nomen  sponte  inducit,  mera  liberalitate.  Eant  nunc,  qui  delictorum  veniam  satis-  *)  cum  illius  iustitia  2)  exstinguitur.  3)  Ideo  enim  iustificamur  quia  serio  credimus  Deum  peccatis  nostris  ignoscere.  Atque  utcunque  ira  ultioneque  eius  digni  simus,  nobis  nihilominus  esse  propitium.  Periphrasis  enim  haec  ad  loci  circumstantiam  aptari  debet.  *)  praeterea