40:71  71  PRAELECTIONES  72  et  spinae,  utcunque  habites  inter  scorpiones,  tamen  ne  timeas  ab  ipsorum  sermonibus,  et  ne  a  facie  eorum  frangaris,  nnn  significat  frangi  et  conteri:  sed  transfertur  etiam  ad  animum  :  et  hic  metaphorice  accipitur  pro  frangi  animo:  quasi  dictum  esset,  sis  intrepidus  ad  excipiendas  omnes  tam  minas,  quam  calumnias  :  quia  domus  sunt  rebellionis.  Docet  autein  hic  locus  nullos  esse  idoneos  ad  obeundum  munus  propheticum,  nisi  qui  armati  erunt  fortitudine  ad  perseverandum,  quidquid  acciderit,  ita  ut  non  expavescant  ad  ullas  minas,  neque  etiam  titubent  aut  vacillent  dum  gravantur  iniustis  calumniis.  Et  ideo  Paulus  dicit  (2.  Cor.  6,  8)  se  progressum  fuisse  per  infamiam  et  bonam  famam,  quia  male  audiebat  ab  improbis,  quamvis  indigne.  Quisquis  ergo  se  fideliter  parare  volet  ad  munus  docendi  obeundum,  instructus  sit  tali  constantia,  ut  opponat  quasi  frontem  ferream  omnibus  calumniis,  omnibus  maledictis,  omnibus  deniquo  minis  et  terroribus.  Nec  vero  dubium  est  quin  valde  exacerbati  fuerint  Israelitae,  quum  audirent  se  vocari  spinas  et  scorpiones.  Sed  ita  oportuit  pungi,  quoniam  si  tantum  intenti  fuissent  in  hominem  mortalem,  poterant  longe  petulantius  se  proiicere.  Sed  quum  Deus  pronuntiat  ipsos  esse  scorpiones  et  spinas,  et  vident  prophetam  audacter  et  sine  dubitatione  perferre  eiusmodi  mandata,  necesse  est  vel  impelli  ad  furorem,  vel  obmutescere.  Quum  autem  certaverint  usque  ad  ultimum  sua  obstinatione  et  duritia,  Deus  tamen  tandem  effecit,  ut  pudefacti  cederent:  quia  praevaluit  veritas,  cuius  minister  erat  propheta  tanta  fortitudine  animi  praeditus.  Et  videmus  etiam  ex  hoc  loco  prophetas  saepe  loquutos  fuisse  asperius,  quum  ita  exigeret  hominum  improbitas,  quibuscum  illis  erat  negotium.  Neque  tamen  vel  aliquo  excessu  correpti  sunt,  vel  intemperanter  invecti  sunt  contra  suos  adversarios.  Sed  non  poterant  alio  modo  asserere  suam  doctrinam  contra  improbos,  qui  diabolico  furore  impulsi  cum  Deo  ipso  certabant.  Tenendum  igitur  est,  quamvis  fuerint  saevi  et  atroces  lingua,  spirasse  tamen  corde  meram  humanitatem.  Nam  propheta  noster  non  fuit  homo  barbarus,  qui  indignatione  percitus  atrociter  evomeret  convicia  contra  populum  suum:  sed  spiritus  Dei,  ut  videmus,  dictavit  quidquid  posset  videri  nimis  durum  auribus  teneris  et  delicatis.  Sequitur,  7.  M  proferes  verba  mea  (pronuntiabis  sermones  meos)  ad  ipsos:  si  audierint  et  si  destiterint  (hoc  est  sive  audierint,  sive  recusaverint  audire)  quia  (vel  certe)  rebelles  sunt  (sive  homines  rebellionis).  Iterum  repetit  quod  dixerat,  sed  verbis  paululum  mutatis.  Summa  tamen  eadem  est,  ne  propheta  in  medio  cursu  subsistat,  si  viderit  se  non  consequi  quod  esset  optandum,  et  quod  sperabat.