39:71  71  PRAELECTIONES  12  regibus  disserit  qui  Davidi  succedent,  ita  intelligere  oportet  quod  tradit  ut  maneat  etiam  illud  firmum  de  proiecto  diademate.  Deus  ergo  proiecit  diadema,  donec  veniret  legitimus  successor.  Neque  tantum  dicit  Ezechiel,  Transversum  proiicite,  sed  tertio  hoc  idem  repetit,  quibus  verbis  notatur  longa  interruptio  et  diuturna.  Nulla  igitur  fuit  causa  offensionis,  si  ad  tempus  nulla  esset  regni  species,  vel  dignitas,  vel  potentia  :  quia  oportuit  spectare  legitimum  iilum  regem,  cui  restituenda  erat  cidaris,  vel  regium  insigne.  Ergo  nunc  videmus  quomodo  semper  ex  posteris  Davidis  fuerint  qui  tenuerunt  solium,  tametsi  hoc  occultum  fuit,  quemadmodum  ex  aliis  etiam  propheticis  testimoniis  colligitur.  Amos  enim  quum  de  Christi  adventu  concionatur  pronuntiat  quod  citatur,  nempe,  Veniet  tempore  illo  qui  erigat  ruinas  tabernaculi  Davidis,  inquit  (Amos  9,  l  l  )  .  Oportuit  igitur  regnum  esse  quasi  dirutum  quum  Christus  apparuit.  Deinde  scimus  quid  dicat  Isaias,  Prodibit  surculus  ex  radice  Isai  (Isa.  l  l  ,  1).  Non  nominat  illic  Davidem  sed  privatum  hominem,  qui  contentus  fuit  tenui  et  ignobili  rusticanaque  vita.  Erat  enim  agricola  et  pecuarius  (ut  satis  notum  est)  Isai,  pater  Davidis.  In  summa,  quoties  affirmant  prophetae  perpetuum  fore  regnum  Davidis,  non  promittunt  continuam  seriem  absque  ulla  interruptione,  sed  hoc  ad  perpetuitatem  referri  debet  quae  in  solo  Christo  tandem  manifestata  fuit.  Diximus  autem  alibi  quomodo  coniungi  debeat  tempus  reditus  cum  Christi  adventu.  Neque  enim  necesse  est,  neque  expedit  facere  anagogen,  sicuti  solent  interpretes,  a  reditu  populi  ad  liberationem  quae  exhibita  fuit  per  Christum.  Sed  unum  censeri  debuit  hoc  Dei  beneficium  nempe  quod  populum  suum  reduxit  ab  ex8Ilio,  ut  tandem  frueretur  placida  et  solida  felicitate,  quum  rursus  erigeretur  regnum  Davidis.  Quantum  ad  sacerdotes  spectat,  eadem  etiam  difficultas  posset  obiici,  quia  scimus  corruptum  fuisse  sacerdotium:  imo  maiori  ex  parte  non  solum  fuerunt  degeneres,  sed  omnino  sacrilegi.  Titulus  ergo  ille  sacerdotalis  nihil  aliud  fuit  quam  foeda  et  scelesta  profanatio  omnium  sacrorum.  Sed  hoc  modo  testari  voluit  Deus  exspectandum  esse  alium  sacerdotem,  neque  ita  manendum  esse  in  figuris,  quin  mentes  altius  attollerent,  nempe  ad  eum  qui  futurus  esset  unicus  mediator  ad  placandum  Deum.  Dicendo  autem,  qui  accendat  holocaustum,  enumerat  quasdam  species,  vel  partes  officii,  quia  accommodant  prophetae  sermonem  suae  aetatis  hominibus,  et  describunt  regnum  et  sacerdotium  Christi  sub  illis  externis  umbris,  quae  tunc  erant  in  usu.  Ergo  caeremonias  legis  accipere  convenit  pro  ipsa  veritate.  Christus  enim  non  mactavit  vitulos,  neque  suffitum  fecit,  sed  implevit  ea  omnia,  quae  tunc  ostensa  fuerunt  populo  sub  figuris.  Dicit  autem  adolere  aut  suffire  QTDD,  oblationem,  quia  tametsi  ob-