33:71  71  SERMON  V  72  beaucoup  qui  beniront  Dieu,  mais  ce  n'est  qu'ypocrisie,  ie  dy  mesmes  de  ceux  qui  ne  le  pensent  pas  faire,  car  ce  sont  les  pires  que  ceux-la,  qui  se  flattent  tellement,  qu'ils  ne  cognoissent  point  leurs  vices.  Puis  qu'ainsi  est,  notons  que  Satan  a  icy  regarde  les  maladies,  desquelles  les  nommes  sont  entachez.  Et  ainsi  nous  voyons  a  quel  ennemi  nous  avons  a  faire,  il  nous  guette,  et  espie  de  tous  costez  pour  voir  par  ou  il  pourra  avoir  quelque  entree  pour  nous  navrer.  Ainsi  donc  notons  bien,  que  quand  nous  aurons  loue  Dieu,  et  que  nous  l'aurons  servi  en  temps  de  prosperite,  ce  n'est  pas  le  tout:  mais  qu'il  nous  faut  apprester  quand  il  plaira  a  Dieu  de  nous  affliger  et  nous  exercer  en  beaucoup  de  maux,  et  de  miseres,  que  toutesfois  nous  soyons  tenus  en  bride,  que  nous  ayons  ceste  humilite  la  de  nous  assubiettir  a  luy,  que  nous  soyons  patiens  et  paisibles  pour  recevoir  toutes  ses  corrections.  Si  nous  ne  sommes  venus  iusques  a  ceste  espreuve,  c'est  a  dire,  si  nous  ne  sommes  patiens  quand  Dieu  nous  afflige,  tout  le  service  que  nous  luy  ferons  ne  sera  pas  grand  chose.  Il  est  vray  que  Dieu  acceptera  bien  les  siens  en  temps  de  leur  prosperite:  mais  tant  y  a  qu'il  nous  faut  regarder  pourquoy  il  nous  fait  passer  par  ceste  estamine  d'afflictions.  D'autant  plus  donc  devons  nous  bien  retenir  ceste  doctrine  ici.  Et  au  reste,  quand  il  est  dit  ici  que  les  hommes  estans  troublez  d'afflictions,  maudiront  Dieu  en  face,  vray  est  que  cela  ne  se  fera  pas  du  premier  coup,  car  encores  il  y  aura  quelque  reverence  de  Dieu  qui  est  imprimee  en  nous,  que  si  nous  endurons  quelque  fa-  8cherie,  Bien,  nous  gronderons  en  secret,  nous  aurons  des  despits  a  la  traverse,  mais  d'ouvrir  la  bouche  pour  blasphemer  Dieu,  encores  cela  nous  sera  en  horreur.  Si  est-ce  que  quand  nous  aurons  este  ainsi  chagrins,  et  que  le  mai  s'augmente/  ou  qu'il  dure  par  trop,  alors  nostre  impatience  s'allume  comme  un  feu,  et  nous  commencons  a  desgorger  ce  qu'auparavant  estoit  encores  serre  en  nos  coeurs.  Voila  comme  a  la  longue  ceux  qui  sont  affligez,  maudiront  Dieu  en  face,  c'est  a  dire,  qu'ils  se  desborderont  outre  mesure,  qu'ils  n'apprehenderent  plus  la  maieste  de  Dieu  pour  s'humilier  sous  icelle,  ils  ne  cognoistront  point  quand  ils  lui  seront  rebelles,  ils  n'auront  plus  ceste  apprehension  de  son  iugement  qui  les  empeschoit  de  se  desborder.  Et  ainsi  nous  avons  bien  occasion  de  prier  Dieu,  afin  qu'il  tiene  nos  langues  bridees,  comme  nos  coeurs,  et  que  iamais  il  ne  souffre  que  nous  tombions  en  tel  excez  de  le  maudire  ouvertement:  mais  plustost  que  l'issue  de  ses  chastimens  qu'il  nous  envoye  soit  si  heureuse,  qu'elle  nous  tourne  a  profit  et  salut  ,  comme  aussi  son  intention  est  telle,  quand  il  nous  afflige.  Voila  ce  que  nous  avons  a  recueillir  de  ce  passage.