31:71  71  PSALMUS  V.  72  mente  privatos  in  errorem  impellat:  deinde  ut  eos  sua  consilia  frustrentur,  unde  enim  fit  ut  impii  frustra  consultent,  inconsiderate  etiam  ac  sine  iudicio  ferantur,  et  turpiter  impingant,  nisi  quia  Dominus  in  astutia  eos  deprehendit?  Intercipit  eorum  vafritiem,  spiritu  soporis  et  vertiginis  eos  inebriat,  ut  desipiant  in  rebus  minimis.  Ergo  si  nobis  timemus  ab  insidiis  et  fraudibus  hominum,  et  qui  nobis  nocere  cupiunt  videmus  sagaces  et  acutos  esse:  redeat  nobis  in  memoriam  haec  sententia,  perpetuum  esse  Dei  munus,  stupore  et  amentia  eos  percutere  qui  ad  peccandum  sapiunt.  Sic  fiet  ut  nobis  dormientibus  quamvis  astutas  eorum  machinationes  Dominus  flatu  suo  dissipet,  ac  tandem  prostituat  eos  ludibrio.  In  summa,  optat  David  manum  Dei  iniici  suis  hostibus,  ac  prohiberi  a  pravis  suis  deliberationibus.  Et  certe  necesse  est,  quum  Satan,  fraudum  omnium  artifex,  omnes  nocendi  modos  impiis  suggerat,  quae  callide  excogitant,  divinitus  in  nihilum  redigi.  Cadere  a  consiliis,  intelligit,  non  assequi  neque  efficere  quod  statuerant.  Poenam  deinde  illis  imprecatur  quam  meriti  sunt:  quia  dum  homini  innoxio  inique  et  sceleste  fuerunt  infesti,  Deo  quoque  rebelles  fuerunt.  Hoc  quidem  minime  cogitant  superbi,  tanti  esse  miseros  homunciones,  ut  laedatur  Deus  in  ipsorum  persona:  neque  enim  ictus  suos  magis  in  coelum  putant  vibrari,  quam  si  pulverem  aut  lutum  .  pedibus  calcarent.  Atqui  hanc  inaestimabilem  mercedem  suis  cultoribus  Deus  rependit,  quod  in  se  recipit  ipsorum  causam.  Quisquis  ergo  sibi  recte  conscius  erit,  nec  ab  integritate  deflexerit,  indigne  vexatus,  non  est  quod  dubitet  Deum  instar  clypei  hostibus  suis  obiicere.  12.  Et  laetentur  omnes  sperantes  in  te  j  in  aeternum  exsultent:  et  protege  eos,  et  oblectentur  in  te  diligentes  nomen  tuum.  13.  Quia  tu  benedices  iusto  Iehova,  benevolentia  quasi  scuto  circumdabis  eos.  12.  {Et  laetentur  omnes.)  Sive  in  futuro  tempore,  sive  in  modo  optandi  legantur  haec  verba,  non  ita  multum  ad  sensum  interest,  utroque  enim  modo  fixum  manebit  quod  voluit  propheta:  nempe  si  Dei  manu  liberetur,  fructum  huius  gratiae  piis  omnibus  fore  communem  :  ac  si  dixisset,  Domine,  si  mihi  opem  tuleris,  non  in  me  solo  residebit  tuum  beneficium,  sed  patebit  ad  omnes  tuos  cultores:  quia  sic  fiet  ut  magis  confirmetur  eorum  fides,  nomenque  tuum  celebrent.  Ergo  ut  facilius  liberationem  a  Domino  impetret,  eam  a  fine  vel  effectu  commendat,  quod  piis  omnibus  maiorem  fiduciam  suggeret,  eosque  animabit  ad  laudem  et  gratiarum  actionem  Deo  reddendam.  Docet  autem  hic  locus,  nos  Deo  ingratos  esse,  nisi  accommodamus  in  usum  nostrum  quaecunque  in  proximos  nostros  confert