28:71  71  SERMON  CXXX.  72  reste  craignons  (comme  i'ay  dit)  de  faire  trouble  et  scandale:  ne  soyons  point  de  ces  canailles  qui  ne  demandent  qu'a  tout  pervertir,  quand  ils  voyent  que  l'Eglise  de  Dieu  florit.  Le  diable  les  envenime  tellement,  qu'ils  ne  peuvent  souffrir  cela:  ils  cerchent  tous  les  moyens  qu'il  leur^st  possible,  de  mettre  confusion  et  desordre  :  gardons  (di-ie)  de  nous  envelopper  parmi  eux,  sachans  que  nous  n'eschapperons  iamais  la  malediction  qui  est  ici  denoncee  sur  les  Moabites  et  Ammonites.  Or  il  y  a  encores  un  poinct  a  noter.  C'est,  que  si  Dieu  du  premier  coup  ne  punit  ceux  qui  auront  travaille  son  peuple,  qu'il  ne  laisse  pas  de  se  reserver  tousiours  le  chastiment  quoy  qu'il  tarde.  Et  ainsi,  ne  nous  fions  point,  quand  Dieu  nous  aura  supporte,  et  quand  quelque  espace  de  temps  sera  escoulee,  ne  pensons  point  pour  cela  demeurer  impunis:  car  nous  voyons  comme  il  en  est  advenu  a  ceux-ci.  Il  est  vray  que  quand  ils  ont  travaille  le  peuple,  il  leur  semble  que  cela  n'est  rien.  Et  pourquoy?  Dieu  ne  veut  point  que  sa  vengeance  s'execute  si  tost.  Or  ils  sont  bien  confus:  mais  quoy  qu'il  en  soit,  si  est-ce  qu'ils  ne  font  qu'en  hocher  la  teste,  pource  qu'il  leur  semble  que  les  Iuifs  ne  les  poursuyvront  plus:  mais  Dieu  demeure  leur  Iuge  tant  y  a.  Et  ainsi,  combien  que  les  Ammonites  et  Moabites  ayent  este  reservez  pour  un  temps,  et  que  Dieu  n'ait  point  voulu  qu'on  les  exterminast,  comme  ces  peuples  qu'il  avoit  desia  condamnez  auparavant  :  si  estce  toutesfois  qu'ils  n'en  ont  point  meilleur  marche:  pource  que  les  voila  gens  prophanes  qui  n'ont  nul  accez  au  temple  de  Dieu.  Ils  sont  reiettez  avec  ceste  ignominie,  qu'ils  sont  declairez  ennemis  du  peuple  de  Dieu.  Craignons  donc  quand  nous  voyons  cela.  Et  encores  que  nous  ne  voyons  une  punition  toute  apprestee,  sachons  que  nous  n'eschapperons  point  la  vengeance  de  Dieu,  quand  nous  aurons  tasche  de  travailler  son  Eglise,  et  de  mettre  barre  a  nos  prochains,  tellement  qu'ils  ne  puissent  aller  comme  ils  devroyent.  Et  pourquoy?  Car  quoy  qu'il  tarde,  si  est-ce  que  Dieu  n'oubliera  point  la  malice  de  ceux  qui  auront  ainsi  tasche  de  faire  quelque  ruine,  ou  de  travailler  son  Eglise.  Voila  dequoy  nous  devons  estre  advertis.  Et  si  ceci  estoit  bien  imprime  en  nostre  coeur,  nous  aurions  autre  solicitude  que  nous  n'avons  point  d'edifier  l'Eglise  de  Dieu,  et  aurions  tous  scandales  en  grand  horreur.  Mais  quoy?  Nous  voyons  comme  les  hommes  se  precipitent,  voire  avec  une  affection  enragee.  Et  pourquoy?  Car  Dieu  n'est  point  la  present  pour  en  faire  la  vengeance:  il  leur  semble  que  c'est  tout  un  quand  ils  auront  fait  quelque  trouble,  ils  s'y  baignent:  mais  cependant  advisons  a  nous.  Et  au  reste,  encores  que  du  premier  coup  Dieu  ne  desploye  point  sa  vengeance  contre  ceux  qui  nous  faschent,  et  qui  taschent  de  pervertir  l'edifice  de