27:71  71  SERMON  LXXIV.  72  oublie  sa  puissance,  et  le  sage  sa  sagesse,  que  tout  ce  qui  est  de  l'homme  soit  abbattu:  afin  que  nous  prenions  nostre  gloire  en  Dieu,  cognoissans  que  c'est  luy  qui  fait  iustice,  iugement,  et  misericorde.  Voila  donc  ce  que  nous  avons  a  retenir  sous  ce  mot,  quand  Moyse  dit  que  Dieu  est  la  louange  de  son  peuple.  Et  si  nous  ne  sommes  esmeus  de  ce  qui  nous  est  monstre  par  l'Escriture,  pour  le  moins  que  nous  ouvrions  les  yeux,  et  que  tant  d'experiences  que  Dieu  nous  donne  de  ses  benefices,  nous  rangent  la  a  ceste  humilite,  que  nous  ne  presumions  plus  de  nous  priser  :  mais  seulement  que  nous  ayons  la  bouche  ouverte  pour  louer  et  magnifier  ce  que  nous  aurons  receu  de  Dieu.  Car  puis  qu'en  .tant  de  sortes  il  nous  monstre  que  tout  nostre  bien  consiste  en  luy,  et  qu'il  en  procede:  si  nous  fermons  les  yeux,  que  nous  soyons  la  stupides,  et  que  nous  ne  daignions  ne  vueillions  nous  tenir  a  ce  qui  nous  est  tout  cogneu,  et  notoire,  il  est  certain  que  nous  serons  conveincus  d'avoir  arrache  a  Dieu  sa  louange,  et  l'avoir  aneantie  entant  qu'en  nous  est:  car  ses  graces  sont  infinies  envers  nous.  Et  ainsi  apprenons  suyvant  ceste  doctrine,  de  bien  recognoistre  les  benefices  que  Dieu  nous  a  eslargis:  car  ce  sont  occupations  assez  pour  nous  empescher.  Quand  nous-nous  employerons  a  mediter  la  bonte  de  Dieu  envers  nous,  nous  cognoistrons  alors  qu'il  ne  nous  faut  point  cercher  ailleurs  qu'en  luy  seul  toute  nostre  louange.  Voila  pourquoy  Moyse  adiouste:  C'est  luy  qui  a  fait  les  grandes  choses  et  terribles  que  vos  yeux  ont  veu.  Comme  s'il  disoit:  II  ne  faut  point  que  Dieu  aille  cercher  des  tesmoins  ca  et  la,  ne  des  Iuges  pour  vous  faire  vostre  procez:  car  en  despit  de  vos  dents  vous  serez  conveincus,  que  vostre  Dieu  est  grand,  puissant,  et  terrible.  Car  vous  estiez  les  plus  miserables  du  monde,  vous  estiez  la  en  captivite  comme  bestes  brutes,  et  vostre  Dieu  vous  a  tant  aimez,  qu'il  a  estendu  son  bras  contre  le  royaume  d'Egypte,  un  royaume  si  haut,  et  si  excellent,  tant  renomme,  ou  toute  la  sagesse  du  monde  estoit  enclose:  et  Dieu  a  estime  vostre  salut  plus  precieux.  Puis  qu'ainsi  est  donc,  cognoissez  qu'il  n'est  plus  question  de  vous  glorifier  en  vous:  mais  en  luy  seul.  Advisez  que  tant  de  biens  que  vous  avez  receus  de  sa  main,  sont  autant  de  tesmoignages  pour  vous  declairer  vostre  laschete  et  ingratitude,  si  vous  ne  luy  en  faites  recognoissance.  Et  ainsi  a  l'exemple  de  ce  qui  nous  est  ici  monstre,  apprenons  de  bien  recognoistre  les  graces  de  Dieu,  et  de  les  recueillir,  et  d'en  faire  un  bon  memorial,  et  en  refreschir  souvent  la  memoire:  afin  que  nous  soyons  incitez  par  la  de  donner  toute  gloire  a  Dieu,  et  de  cognoistre,  et  confesser  quant  a  nous,  que  nous  sommes  povres  et  miserables,  qu'il  n'y  a  que  condamnation  sur  nous:  et  pourtant  qu'il  ne  nous  reste  sinon  de  dire,  que