26:71  71  SERMON  XVI.  72  ne  vueille  porter  nulle  charge,  et  qu'il  luy  fasche  de  travailler  pour  le  bien  commun?  Oar  si  ceux  qui  le  servent  en  faisoyent  autant,  et  qu'ils  ressemblassent  a  un  tel  chagrin,  et  a  un  tel  orgueilleux:  ne  faudroit-il  pas  que  tout  perist?  Et  ainsi  apprenons,  quand  nous  avons  ce  lien  en  l'Eglise  de  Dieu,  de  servir  a.  nos  prochains:  qu'aussi  quant  a  la  vie  presente,  et  quant  a  toutes  negoces,  il  nous  faut  penser  :  Puis  que  Dieu  fait  que  les  autres  nous  profitent,  et  qu'ils  nous  apportent  quelque  avantage,  que  nous  soyons  secourus  par  eux:  que  nous  avisions  de  leur  rendre  le  semblable  de  nostre  coste.  Or  au  peuple  d'Israel  il  y  avoit  ceste  consideration  speciale,  qu'ils  devoyent  occuper  la  terre  de  Canaan.  Pourquoy?  Car  elle  n'avoit  point  este  promise  seulement  ni  a,  la  lignee  de  Iuda,  ni  a  la  lignee  de  Bon-iamin,  ni  aux  autres  semblables:  mais  en  general  a  tout  le  lignage  d'Abraham.  Il  falloit  donc  que  ceste  terre  ici  fust  occupee  par  eux  en  commun:  et  puis  que  les  lots  fussent  iettez,  comme  cela  se  feit  en  la  fin  par  Iosue.  Mais  maintenant  que  Dieu  nous  commande  de  suyvre  un  train  commun:  il  nous  faut  rapporter  cest  exemple  a  nous,  et  sentir  qu'il  y  ha  une  mesme  reigle  qui  nous  est  ici  donnee.  Comme  quoy?  Dieu  commande-il  seulement  a*  chacun  a  part  de  resister  a  Satan,  et  de  profiter  de  plus  en  plus  en  l'Evangile?  N'est-ce  pas  une  doctrine  commune?  Quand  donc  nous  voyons  que  Dieu  nous  appelle  ainsi  les  uns  avec  les  autres,  et  qu'il  veut  que  le  tout  se  rapporte  d'un  accord,  comme  une  bonne  melodie:  il  n'est  plus  question  de  nous  separer.  Advisons  donc,  que  pour  advancer  le  royaume  de  nostre  Seigneur  Iesus  Christ,  et  le  salut  de  tous  les  siens,  pour  edifier  son  Eglise,  pour  faire  prosperer  l'Evangile,  et  florir,  qu'il  ne  faut  point  seulement  qu'un  chacun  besongne  a  part:  mais  que  nous  accordions,  et  que  nous  allions  d'un  lien  commun,  et  qu'un  chacun  tasche  de  servir  a  ceux  qui  ont  besoin  de  son  aide.  Et  ainsi  nous  voyons,  que  tous  ceux  qui  veulent  ainsi  bastir  a  part,  ne  font  que  confusion.  Comme  il  y  en  ha  qui  cuident  estre  bien  habiles,  et  voudront  faire  merveilles  ce  leur  semble:  tant  y  a  qu'ils  mesprisent  leurs  prochains:  et  mesmes  ils  voudroyent  reprimer  tous  les  autres,  afin  de  monstrer  qu'ils  sont  vaillans  gens,  et  qu'ils  en  font  cent  fois  plus  que  tout  le  reste.  Et  qu'advient-il  d'un  tel  orgueil,  sinon  confusion  et  ruine?  Notons  bien  donc,  que  iamais  nous  ne  servirons  a  Dieu  pour  avancer  l'Evangile  de  nostre  salut:  que  nous  n'ayons  ceste  concorde,  et  que  nous  ne  soyons  prests  et  disposez  d'aider  chacun  a  son  prochain,  et  qu'il  y  ait  comme  un  soulagement  commun.  Voila  ce  que  nous  avons  encores  a  retenir  de  ce  passage.  Or  pour  conclusion  il  est  ici  dit  que  Moyse  exhorte  Iosue  d'avoir  ferme  fiance,  et  de  poursuyvre  ce  qui  n'est