22:71  71  INSTRUCTION  ET  CONFESSION  DE  FOY.  12  exemple  instituissent  tous  a  sainctete  et  purete  de  vie.  Ceulx  qui  mesprisent  ceste  discipline  et  cest  ordre  sont  iniurieux  non  seulement  aux  hommes  mais  a  Dieu,  et  mesmes  comme  heretiquesi  17)  se  retirent  de  la  societe  de  lEglise,  laquelle  nullement  ne  peult  consister  sans  tel  ministere.  Car  ce  que  le  Seigneur  a  une  fois  testifie  (Math.  10)  nest  pas  de  petite  importance,  cest  que  quand  les  pasteurs  quil  envoye  sont  receuz,  luy  mesmes  est  receu,  et  pareillement  quil  est  reiecte  quand  ils  sont  reiectez.  Et  affin  que  leur  mmistere  ne  feust  contentible,  ilz  sont  garnis  dun  mandement  notable  de  lyer  et  deslyer,  ayant  promesse  adioustee  que  quelconques  choses  quilz  auront  lye  ou  deslye  en  terre  sont  liees  ou  deliees  au  ciel  (Math.  16).  Et  Christ  mesme  en  un  aultre  lieu  (Ieh.  20)  expose  que  lier  cest  retenir  les  pechez,  et  deslier  cest  les  remectra  Or  lapostre  declare  quelle  est  la  maniere  de  deslier  quand  (Rom.  1)  il  enseigne  lEvangile  estre  la  vertu  de  Dieu  a  salut  a  chascun  croyant,  et  aussi  de  lier,  quand  il  dict,  (2  Corinth.  10)  les  apostres  avoir  vengeance  preste  contre  toute  desobeissance.  Car  la  somme  de  lEvangile  est  que  nous  sommes  serfz  de  peche  et  de  mort,  et  que  nous  en  sommes  desliez  et  delivrez  par  la  redemption  qui  est  en  Christ  Iesus,  et  que  ceulx  qui  ne  le  recoivent  pour  redempteur  sont  reserrez  comme  par  nouveaulx  liens  de  plus  griefve  damnation.  Mais  ayons  souvenance  que  celle  puissance,  laquelle  en  IEscripture  est  actribuee  aux  pasteurs,  est  toute  contenue  et  limitee  aux  ministere  de  la  parolle,  car  Christ  na  pas  donne  proprement  ceste  puissance  aux  hommes,  mais  a  sa  parolle  de  laquelle  il  a  faict  les  hommes  ministres.  Pourtant  quilz  osent  hardiment  toutes  choses  par  la  parolle  de  Dieu,  de  laquelle  ilz  sont  constituez  dispensateurs:  quilz  contraignent  toute  la  vertu,  gloire  et  haultesse  du  monde  donner  lieu118)  et  obeir  a  la  maieste  dicelle  parolle:  quilz  commandent  par  icelle  a  tous  despuis  le  plus  grand  iusques  au  plus  petit:  quilz  edifient  la  mayson  de  Christ:  quilz  demolissent  le  regne  deSathan:  quilz  paissent  les  brebis,  tuent  les  loups,  instruysent  et  exhortent  les  dociles:  arguent,  reprenent,119)  tensent  et  convainquent  les  rebelles,  mais  tout  en  la  parolle  de  Dieu.  De  laquelle  silz  se  destournent  a  leurs  songes  et  inventions  de  leurs  testes,  desia  ilz  ne  sont  plus  a  recevoir  pour  pasteurs,  mais  veu  quilz  sont  plustost  loups  pernitieux  ilz  sont  a  dechasser:  car  Christ  ne  nous  a  point  commande  den  ouyr  dautres  que  117I  factiose.  118)  Le  texte  latin  met  cadere,  lecon  dont  nous  avons  suspecte  I  authenticae,  en  proposant  cedere.  Voir  au  T,  V.  p.  352,  note  2.  119)  reprenent  om.