21:71  71  VIE  DE  CALVIN  72  sermons,  outre  ce  qu'il  composoit,  tant  par  forme  de  Commentaire  qu'autrement,  et  aussi  ce  qui  estoit  traitte  en  la  congregation  les  vendredis:  lequel  recit  sera  paraventure  trouve  long,  mais  non  superflu,  comme  ie  croy:  car  par  la.  on  cognoistra  mieux  comment  le  bon  homme  ne  s'est  donne  nulle  relasche,  que  tousiours  il  ne  s'employast  a  cultiver  la  vigne  du  Seigneur,  et  de  diverses  facons  en  mesme  temps:  tellement  qu'a  bon  droit  et  de  fort  bonne  grace,  Wolphangue  Muscule,  autresfois  Ministre  en  l'Eglise  d'Auspourg,  et  depuis  lecteur  en  Theologie  a  Berne,  disoit  de  [d  1]  Calvin,  en  usant  d'une  autre  similitude,  que  c'estoit  un  arc  tousjours  tendu.  Ainsi  donc,  en  revenant  au  fil  de  l'histoire,  Tan  1549  mourut  sa  femme  au  mois  de  Mars.  Au  mois  de  May,  luy  et  M.  Guillaume  Farel  firent  de  compagnie  un  voyage  a  Zurich,  afin  de  coucher  par  escrit  un  bon  accord  entre  les  Ministres,  Pasteurs  et  Docteurs  de  l'Eglise  de  Zurich,  et  ceux  des  Eglises  de  Geneve  et  Neufchastel,  touchant  la  nature,  vertu,  fin,  usage  et  fruict  des  Sacremens.  Car  combien  que  (comme  il  a  este  dit)  il  eust  traitte  de  la  matiere  de  la  Cene  en  telle  sorte  que  nul  n'avoit  occasion  de  s'ofienser  contre  luy:  ce  neantmoins  Satan  s'efforca  tant  qu'il  luy  fut  possible,  de  Pattirer  en  ceste  contention,  voire  mesmes  avec  l'Eglise  de  Zurich,  laquelle  entre  autres  il  a  tousiours  estimee  et  honoree.  Mais  ce  fut  en  vain.  Car  aucontraire  ayans  en  presence  confere  ensemble,  ils  demeurerent  entierement  d'accord,  et  avec  eux  aussi  toutes  les  Eglises  de  Suisse  et  des  Grisons.  Lequel  accord  un  peu  apres  fut  imprime  en  Latin  et  Francois,  assavoir  le  premier  jour  d'Aoust;  et  depuis  en  d'autres  langues  aussi,  avec  grande  edification  parmi  tout  le  monde.  A  son  retour  de  Zurich,  il  se  trouva  mal  d'une  defluxion  sur  l'espaule,  qui  le  fascha  long  temps:  sans  toutesfois  qu'il  delaissast  aucune  partie  de  son  ministere,  ou  des  escrits  qu'il  avoit  commencez.  Ceste  annee-la  il  preschoit  les  Dimanches  au  matin  l'Epistre  aux  Hebrieux,  et  l'ayant  achevee  il  print  les  Actes  des  Apostres,  lesquels  il  commenca  a  prescher  a  la  mesme  heure  le  Dimanche  25  d'Aoust  audit  an.  Au  sermon  du  soir  les  Dimanches  il  preschoit  les  Pseaumes,  prenant  seulement  ceux  qui  n'estoyent  pas  encore  traduits  en  rythme  (car  desia  auparavant  il  avoit  presche  les  autres),  et  en  estoit  au  40.  Les  autres  iours  de  la  sepmaine  il  preschoit  le  Prophete  Ieremie:  en  lecons  de  Theologie  il  exposoit  aux  escoliers,  Ministres  et  autres  auditeurs  le  Prophete  Isaie,  qu'il  avoit  commence  de  plus  long  temps.  Les  vendredis  en  la  Congregation,  on  proposoit  l'Epistre  aux  Hebrieux,  apres  laquelle  on  print  les  Canoniques.  *)  Quant  a  ses  1)  catholiques  F.  (et  plus  bas  de  meme.)