20:71  71  EPISTOLAE  3985.3986  72  ^aaisi  Deus  sua  clementia  illis  adfuerit,  immanem  dissipationem  ecclesiae  apud  istos  imminere  putem.  Ille  tabellarius5)  quem  scripto  tuo  non  ita  pridem  nomine  suppresso  admonuisti,  adeo  illo  accensus  est,  furit  et  callum  obduxisse  videtur,  ut  monstrum  mihi  alere  videatur,  infaustumque  foetum  parturire.  Hunc  maxima  ministrorum  et  eorum  qui  fere  primarii  sunt  eruditione  turba  sequitur,  ac  ei  succenturiari  videtur,  sic  ut,  si  qui  adhuc  vere  pii  ac  orthodoxi  sint,  huiusmodi  factiones  ac  furiosos  conatus  hic  mecum  non  sine  lacrymis  intueantur.  Dolenda  profecto  hominis  illius  a  vera  sententia  defectio,  qui  olim  *  quum  fuerit  tui  nominis  studiosissimus  et  ex  tuis  lucubrationibus  multum  (ut  ille  saepenumero  in  frequenti  multorum  corona  testatus  est)  profecerit,  tam  cito  in  contrariam  auram  se  abripi  passus  sit.  Copiosissime  ac  fusissime  mihi  de  istis  rebus  scribendum  esset,  nisi  sperarem  me  Deo  volente  coram  aliquando  haec  explicaturum.  Quod  tutius  meliusque  fore  spero  quam  per  literas  ista  singillatim  referre.  Quum  itaque  tanta  sit  hic  in  ecclesia  atavia  ut  quot  capita  tot  sensus:  mihi  iustum*  videtur  alio  vela  vertere,  et  in  patriam,  ubi  Christo  apertae  sunt  fores,  contendere.  Quamobrem,  vir  clarissime,  ut  tu$m  hac  de  re  sententiam  consiliumque  audirem,  data  opera  meum  hunc  tabellarium  illuc  mittere  non  dubitavi,  quo  bene  re  tota  subducta  a  te  percipere  possim,  quid  mihi  modo  faciendum  censeas,  tuumque  hac  de  re  iudicium  perscribas  velim.  Quod  te  facturum  pro  tua  quum  pietate  tum  etiam  erga  me  benevolentia  confido.  Bene  vale,  vir  clarissime.  Dominus  Deus  te  quam  diutissime  incolumem  conservet  ad  amplificationem  regni  Christi  totiusque  vestrae  Galliae  ex  tot  afflictionibus  aliquantulum  respirantis  solatium.  Amen.  Pinczovia  oppido  Poloniae  21.  Iulii  1563.  Tibi  tanquam  patri  in  Christo  addictissimus  Ioannes  Thenaudus  Biturigus.  5)  Quem  hic  notet  non  assequimur.  Lismaninus  quidem  epistolis  Calvini  onustus  venerat  sed  pridem��  De  Statorio  minus  etiam  cogitandum,  nam  hunc  vix  tabellarium  dicere  poterat  Caeterum  Pinczovia  sedes  erat  praecipua  Antitrinitariorum,  quos  Pmczovianos  vulgo  appellabant.  (Wissowatii  -Narratio  compend.  ap.  Sand.  211.)