19:71  71  EPISTOLAE  3582.3584  72  haulte  pas  dessus  ladite  forteresse  y  feust  delaisse  bon  nombre  d'arcquebousiers,  lesquelz  traicterent  tellement  leur  garnison  quilz  noserent  monstrer  le  nez.  Lendemain  dimanche  jlz  mectent  une  enseigne  desployee  sur  leurs  creneaulx  et  accompaignee  de  plusieurs  pieces  a  feu,  tellement  que  d'un  couste  et  daultre  sembloit  un  tonerre.  et  le  peuple  se  nautina  fort  avec  ce  que  ceulx  des  habitans  passans  dehors  la  ville  avoient  este  blesses  de  coups  d'arcquabouzade,  tellement  que  tout  le  peuple  se  mict  en  armes.  Or  les  moyeneteurs  de  paix  avec  les  magistratz  feirent  assembler  ung  conseil  general  en  la  maison  commune  et  feust  conclud  que  le  moyen  propose  le  jour  precedant  seroit  execute,  et  cependant  chacun  de  son  couste  travalheroit  a  appaiser  telle  fureur.  De  nostre  couste  le  peuple  feust  tost  retire  et  appaise  bien  que  ung  des  nostres  eust  este  tue.  Et  venant  ledit  8r.  Chefdebien,  les  consulz  magistratz  et  autres  les  acompagnans  aupres  de  la  forteresse,  faisant  tous  signe  de  parlamenter  et  de  paix,  la  guarnison  leur  auroit  tire  coups  d'arquebouse  et  pierres  don  les  aucuns  auroient  este  blesses  dequoy  le  peuple  adverti  seschaufa  de  plus  en  plus  tellement  quil  gaigna  ladite  forte  tour  des  Carmes  et  ung  autre  joignant  presque  leur  forteresse.  La  nuit  lon  mict  le  feu  a  la  porte  du  clos  de  la  dite  forteresse  et  brusla.  L'assault  feust  donne  et  quelque  arcquebouserye  quil  y  eust  lon  entra  audit  clos,  feust  gagne  la  maison  du  prevost  joignant  la  dite  forteresse  ou  feust  murdry  lun  de  noz  freres.  Lendemain  on  travaille  a  rompre  murailhes  tousjours  poursuyvant  dans  la  dite  maison.  Les  moyenateurs  de  paix  tous  papistes  prevoyant  le  danger  accordent  avec  toutes  les  parties  que  la  guarnison  sortiroit  de  la  dite  forteresse,  et  les  pieces  d'artillerie  ostees  et  portees  a  la  maison  du  dit  Sr.  Chefdebien  avec  lenseigne  et  que  les  chenoynes  continueroient  leur  service  sans  empeschement.  A  cest  accord  tant  humble  Dieu  s'opposa  tellement  que  ne  restant  que  de  joindre  les  parties  pour  leur  faire  faire  les  promesses  et  jurement  requis  ung  des  nostres  fut  tue  dun  coup  darquebouzade  par  lun  de  la  guarnison.  Quoy  voyant  lesdits  moyenateurs  de  paix  feurent  en  grand  dangier,  prethendant  le  peuple  quilz  eussent  moyene  la  trahison,  et  converti  se  rue  a  lassault  a  corps  perdu  passe  dans  un  petit  trou  quon  avoit  faict  a  la  forteresse,  suffisant  a  deux  hommes  pour  le  guarder  contre  mille.  Mais  les  adversaires  feurent  tellement  espouvantes  quilz  quitterent  le  lieu  et  le  peuple  entra  et  de  premiere  arrivee  a  la  furye  feust  tue  ce  qui  feust  rencontre  ��t  ne  feust  que  le  magistrat  y  estait  venu  et  que  les  plus  principaulx  des  nostres  se  mist  en  debvoir  chacun  en  son  endroict  se  mist  en  debvoir  de  saulver  le  reste,  jl  y  eust  eu  grande  boucherie.  Il  y  a  eu  de  huit  a  neuf  de  murtris  de  leur  part