10.1:71  ORDONNANCES.  que  chascun  renvoye  les  siens  selon  Tordre  que  nous  dirons.  Qu'ils  nourrissent  entr'eulx  concorde  mutuelle,  et  vrayement  Chrestienne:  et  qu'en  leur  lecon  ils  ne  s'entrepiquent  pas  les  uns  les  autres.  S'il  y  survenoit  quelque  different,  qu'ils  s'addressent  au  Recteur  du  College:  et  que  la  ils  demeinent  Chrestiennement  leur  cause.  Si  le  Recteur  ne  les  peut  appoincter,  et  vuyder  leur  querele,  qu'il  en  face  le  rapport  a  la  compagnie  des  Ministres  de  la  parolle  de  Dieu,  a  fin  que  par  leur  authorite  ils  y  remedie  nt.  DU  PRINCIPAL  DU  COLLEGE.  Que  le  Principal  soit  esleu  et  conferme  a  la  mesme  forme  que  dict  a  este,  homme  craignant  Dieu,  et  pour  le  moins  de  moyen  scavoir:  sur  tout,  d'un  esprit  debonnaire,  et  non  point  de  complexion  rude,  ni  aspre:  a  fin  qu'il  donne  bon  exemple  aux  escholiers  [page  4]  en  toute  sa  vie,  et  porte  tout  doulcement  les  fascheries  de  sa  charge.  Son  office  sera  oultre  l'ordinaire,  d'enseigner  et  gouverner  sa  classe,  d'avoir  l'oeil  sur  les  meurs  et  la  diligence  de  ses  compagnons:  de  soliciter  et  piquer  ceulx  qui  seront  tardifs,  de  remonstrer  a  tous  leur  debvoir,  de  presider  sur  les  corrections  qui  se  feront  en  la  salle  commune,  de  prouvoir  que  la  cloche  sonne  es  heures  prefixes,  et  que  les  auditoires  soyent  tenus  nets.  Qu'il  ne  soit  licite  aux  aultres  Regens  de  rien  attenter  de  nouveau  sans  son  sceu  et  conge,  et  que  luy  aussi  rapporte  au  Rccteur  toutes  les  difficultez  qui  surviendront.  DES  ESCHOLIERS  DU  COLLEGE.  Que  le  Principal  et  les  Eegens  distribuent  tous  leurs  escholiers  en  quatre  bandes,  non  pas  selon  les  classes,  mais  selon  la  situation  de  la  Ville.  Qu'il  se  face  un  rolle  de  chasque  bande,  et  qu'on  baille  a  quatre  des  Regens  chascun  le  sien:  et  parainsi  que  les  escholiers  soyent  distribuez  pour  venir  au  temple,  chascun  selon  son  quartier.  Qu'il  y  ait  lieu  certain  qui  leur  soit  assigne  par  l'authorite  de  Messieurs  en  chasque  temple,  lequel  il  ne  soit  permis  a  d'autres  occuper.  Que  tous  les  escholiers  ayent  a  se  trouver  de  bonne  heure  au  temple:  a  scavoir,  les  Mecredis  au  sermon  du  matin:  les  Dimanches,  aux  deux  ser-