7:709  HENRICI  BULLINGERI  ANNOTATA  AD  CALVINI  ANIMADVERSIONES.  Nihil  quidem  necesse  erat,  colendissime  et  dilectissime  mi  Calvine,  ad  singulos  respondere  numeros.  Quoniam  video  tamen  te  utiliter  nullum  transiisse  intactum,  attingam  et  ego  perfunctorie  singulos.  Sic  enim  rectius  mutuum  intelligemus,  animique  nostri  sententiam  exprimemus  significantissime.  L  Bectius  videor  iam  mihi  tuam  tenere  mentem:  sacramenta  videlicet  prodesse  non  omnibus  quidem  ea  sumentibus  j  sed  fidelibus  duntaxat,  ac  propter  fidem  sumentis  aliquam  esse  coniunctionem  gratiae  Dei  et  sacramentorum.  Scio  sane  fideles,  quum  sacramentis  participant,  in  animis  suis  sentire  motum  atque  vim  divinae  gratiae  per  spiritum  sanctum,  non  beneficio  quidem  sacramentorum,  aut  propter  sacramenta  percepta  (quanquam  foris  in  oculos  incurrentia  res  significatas  repraesentent),  sed  propter  spiritum  animos  inhabitantem  et  moventem,  ac  propter  dona  pridem  effusa  gratis  a  Deo  in  animos  fidelium:  quorum  quidem  donorum  Dei  quum  sacramenta  sint  symbola  et  obsignationes  divinitus  traditae,  non  sola  et  quasi  nuda  in  usu  legitimo  considerantur,  sed  tanquam  gratiae  Dei  sacramenta  et  testimonia.  Nihil  ergo  utrique  est  negotii  cum  papistis  gratiam  Dei  alligantibus  sacramentis.  II.  Proprium  officium  spiritus  est  omnium  bonorum  Christi  nos  facere  participes.  Sacramentis  hoc  ipsum  non  tribuimus,  nisi  ratione  sacramentaria  et  modo  sacramentis  proprio.  Deus  enim  proprie  et  revera  per  spiritum  suum  dona  sua  nobis  exhibet.  Sacramenta  eadem  nobis  offerunt  sacramentaliter  ,  adeoque  repraesentant  et  obsignant.  Unde  et  S.  Augustinus  dixit:  Sanctificat  Dominus,  sanctificat  et  Moses:  quomodo  ergo  et  Moses  sanctificat  et  Dominus?  Non  enim  Moses  pro  Domino,  sed  Moses  visibilibus  sacramentis  per  ministerium  suum,  Dominus  autem  invisibili  gratia  per  spiritum  sanctum,  ubi  est  totus  fructus  etiam  visibilium  sacramentorum.  Haec  ille  Quaest,  in  Levit.  83.