23:709  709  SERMONS.  710  quelque  gloire.  Or  ceste  malheurte-la  (dit  S.  Paul)  monstre  qu'il  faut  que  nous  venions  tous  nuds  devant  Dieu  et  vuides,  a  fin  que  nous  soyons  enrichis  de  sa  pure  et  gratuite  bonte.  Au  reste  quand  il  parle  des  oeuvres  de  la  Loy,  c'est  pource  que  s'il  y  avoit  quelque  merite,  ce  seroit  a  cause  de  la  paction  que  nous  avons  desia  alleguee,  Qui  fera  ces  choses,  il  vivra  en  icelles.  Prenons  le  cas  qu'il  n'y  eust  jamais  nulle  Loy  publique:  tant  y  a  que  pour  cela  les  hommes  ne  seront  point  plus  agreables  a  Dieu.  Et  de  son  coste  ii  ne  nous  peut  rien  devoir:  car  il  est  dit  que  quand  nous  aurons  fait  tout  ce  qui  nous  est  commande  encores  faudroitil  confesser  que  nous  sommes  serviteurs  inutiles.  Et  pourquoy?  Sommes-nous  en  nostre  liberte?  Y  a-il  rien  en  nous  qui  nous  appartiene  et  qui  nous  soit  propre?  Ainsi  donc  encores  ne  pouvonsnous  alleguer  aucun  merite,  quand  nous  aurions  [pag.  152]  accompli  la  Loy  en  perfection.  Et  dont  est-ce  donc  que  despend  la  confiance  que  les  hommes  prenent  en  toutes  leurs  oeuvres?  De  ceste  promesse,  Qui  fera  ces  choses  il  vivra  en  icelles.  Car  Dieu  s'est  la  oblige  de  son  bon  gre,  combien  qu'il  n'y  fust  point  tenu  par  raison.  Ainsi  donc  quand  sainct  Paul  parle  des  oeuvres  de  la  Loy,  il  monstre,  combien  que  Dieu  ait  promis  a  ceux  qu'il  a  promis,  que  tous  ceux  qui  accompliront  tout  ce  qu'il  a  commande  en  la  iustice  de  Loy,  qu'ils  seront  reputez  iustes,  et  qu'ils  auront  la  vie  eternelle:  toutesfois  les  oeuvres  de  la  Loy  ne  peuvent  rien  faire.  Et  pourquoy?  d'autant  qu'elles  nous  laissent  tousiours  en  condamnation:  car  nous  ne  cessons  de  l'offenser,  et  celuy  qui  sera  le  plus  iuste,  ne  pourra  pas  toutesfois  s'aquitter  de  la  centiesme  partie.  Et  qui  sera-ce  donc  sinon  que  nous  baissions  tous  la  teste,  et  que  nous  venions  nous  iecter  tous  aux  pieds  de  nostre  iuge  pour  luy  demander  pardon?  ainsi  qu'il  sera  deduit  .plus  au  long.  Or  revenons  a  ce  passage  qui  depend  de  ce  que  i'ay  desia  touche,  c'est  que  Iesus  Christ  nous  est  propose  et  mis  en  avant  pour  nous  iustifier  de  toutes  les  choses  dont  la  Loy  de  Moyse  ne  nous  a  peu  iustifier.  Car  ii  sembleroit  bien  que  tant  aux  ceremonies  qu'a  tout  le  reste  de  la  Loy,  les  hommes  eussent  quelque  aide  pour  se  faire  valoir  devant  [pag.  153]  Dieu,  et  luy  estre  agreables  :  car  s'ils  avoyent  failli,  les  Sacrifices  estoyent  remedes  propres,  ils  avoyent  l'aspersion  du  sang  pour  se  nettoyer,  ils  avoyent  aussi  les  lavemens  qui  servoyent  de  satisfaction  envers  Dieu,  et  puis  tant  d'autres  promesses.  Il  sembloit  donc  que  ce  fust  pour  estre  approuvez  de  Dieu:  rien,  mais  au  contraire  il  a  fallu  que  Iesus  Christ  soit  venu  pour  nous  iustifier  des  choses  dont  la  Loy  ne  nous  pouvoit  iustifier.  Et  qu'est-ce  a  dire  nous  iustifier  des  choses?  C'est  a  dire  nous  en  absoudre.  Nous  voyons  par  ce  passage-la  ce  que  i'avoy'dit  au