23:708  a  l'encontre  de  nous.  Ainsi  donc  voila  pourquoy  David  magnifie  tant  la  remission  des  pechez.  Et  pour  ceste  cause  mesme  sainct  Paul  conclud  que  voila  ou  gist  toute  nostre  iustice,  c'est  que  nos  pechez  nous  soyent  pardonnez.  Et  notons  bien  aussi,  comme  i'ay  desia  touche,  que  David  met  en  l'Esprit  duquel  il  n'y  a  point  de  fraude:  car  il  monstre  que  nous  ne  pouvons  recevoir  la  remission  de  nos  pechez,  combien  qu'elle  nous  soit  offerte  alors  de  Dieu,  iusqu'a  ce  que  nous  soyons  du  tout  confus  en  nous  mesmes,  que  nous  soyons  bien  resveillez,  qu'il  n'y  ait  point  d'hypocrisie  ne  de  fiction  qui  nous  face  a  croire  ceci  ou  cela  et  qu'il  n'y  ait  nul  desguisement,  que  nous  ne  soyons  point  doubles,  ni  endormis  en  nostre  nonchalance:?  mais  que  nous  soyons  comme  povres  gens  damnez  et  perdus,  que  le  iugement  de  Dieu  persecute,  tellement  que  nous  ne  sachions  que  faire,  et  que  nous  soyons  la  comme  si  desia  [pag.  150]  nous  voyons  la  mort  presente,  comme  si  nous  voyons  la  main  de  Dieu  armee  pour  executer  la  sentence  de  malediction  qu'il  prononce  a  l'encontre  de  nous.  Voila  ce  que  nous  avons  a  noter  quant  a  ceste  iustice  pour  en  avoir  une  bonne  definition.  Or  voila  aussi  pourquoy  il  est  dit  au  quinzieme  chap.  des  Actes  quand  sainct  Paul  traitte  des  ceremonies  qu'il  faut  que  nous  soyons  iustifiez  par  nostre  Seigneur  Iesus  Christ  de  toutes  les  choses  dont  la  Loy  de  Moyse  ne  nous  a  peu  iustifier.  Ce  mot  ici  emporte  assez  longue  queue:  car  il  faut  savoir  pourquoy  S.  Paul  parle  des  ceremonies  de  la  Loy  notamment,  quand  il  dit:  Que  les  oeuvres  ne  peuvent  rien  faire,  ne  servir  pour  nous  rendre  agreables  a  Dieu.  Les  Papistes  et  mesmes  beaucoup  de  gens  anciens  qui  n'estoyent  point  exercez  en  l'Escriture,  mais  qui  estoyent  comme  a  demy  Philosophes,  se  sont  amusez  a  ce  mot  de  la  Loy,  et  ne  pensent  que  S.  Paul  ne  combat  point  pour  les  oeuvres  moralles  qu'on  appelle,  c'est  a  dire,  qu'il  ne  veut  pas  nier  que  nous  soyons  iustes  devant  Dieu,  quand  nous  vivrons  chastement,  sans  faire  tort  a  personne,  que  nous  vivrons  en  temperance,  en  sobriete  et  en  toutes  autres  vertus,  ils  estiment  que  S.  Paul  ne  touche  point  a  cela  et  qu'il  veut  bien  que  toutes  ces  oeuvres-la  meritent  salut  en  partie:  mais  ils  entendent  que  les  ceremonies  de  la  [pag.  151]  Loy  ne  pouvoyent  profiter  a  iustifier.  Or  c'est  une  sottise  par  trop  lourde:  car  en  premier  lieu  S.  Paul  ne  parle  point  tousiours  des  ceremonies  de  la  Loy.  Et  voila  en  quoy  ils  se  sont  trop  inconsiderement  abusez:  et  qu'ainsi  soit  au  passage  du  Pseau,  que  ie  viens  d'alleguer,  David  a  situe  la  beatitude  de  l'homme  en  la  seule  remission  des  pechez  sans  aucune  ouvre;  et  ce  mot-la  d'oeuvres  comprend  en  soy  toutes  les  vertus  en  general,  lesquelles  les  hommes  se  peuvent  attribuer,  et  d'ou  ils  prenent