23:707  707  SERMONS.  708  qu'il  oublie  et  ensevelit  toutes  nos  offenses  par  lesquelles  nous  sommes  coulpables  devant  luy.  Si  ainsi  est,  il  s'ensuit  qu'il  n'y  a  que  malheur  en  nous  iusques  a  ce  que  Dieu  nous  ait  pardonne:  et  si  nous  sommes  meschans,  ou  sera  nostre  iustice?  Car  Dieu  ne  peut  pas  hair  ce  qui  est  convenable  a  sa  nature,  il  est  la  fontaine  de  toute  iustice:  s'il  trouvoit  en  nous  quelque  bien,  encores  quelque  petit  qu'il  fust,  il  est  certain  qu'il  l'accepteroit.  Il  faut  donc  conclure  d'autant  que  nous  sommes  malins,  qu'il  n'y  a  en  nous  qu'iniustice  et  iniquite  et  tout  mal-heur,  que  nous  ne  pouvons  pas  estre  bien-heureux  que  nous  ne  soyons  aimez  de  Dieu.  Or  s'il  nous  aime,  il  faut  quant  et  quant  qu'il  nous  approuve:  s'il  nous  approuve,  il  faut  que  nous  soyons  iustes.  Toutes  ces  choses-la  sont  principes  qui  devoyent  estre  assez  entendus.  Mais  encores  si  nous  faut-il  cognoistre  que  nous  ne  pouvons  estre  bien-heureux  sinon  que  Dieu  nous  aime:  car  cependant  qu'il  nous  sera  ennemi,  helas,  quelle  est  nostre  condition?  dont  est-ce  que  depend  nostre  felicite?  C'est  quand  Dieu  nons  [pag.  148]  recoit  en  son  amour.  Or  maintenant  regardons  comment  il  nous  aime:  il  faut  qu'il  nous  approuve,  comme  i'ay  dit,  car  il  ne  peut  pas  se  renoncer  soy-mesme.  Et  s'il  nous  reiette  et  que  nous  luy  soyons  detestables,  comment  sera-il  reconcilie  avec  nous?  Or  venons  au  moyen  :  car  Dieu  ne  se  peut  transfigure^  et  si  nous  pretendons  de  le  faire  c'est  en  vain  (dit  sainct  Paul)  :  car  il  demourera  tousiours  semblable  a  soy,  et  nous  saura  bien  separer  avec  tous  nos  mensonges,  et  nous  racler  de  son  rang:  comment  donc  serons-nous  approuvez  de  Dieu?  Il  faut  que  nous  soyons  iustes.  Or  ceste  iustice-la,  quelle  est-elle?  Ce  n'est  pas  que  nous  l'ayons  en  nos  oeuvres,  que  nous  puissions  nous  acquitter  envers  luy,  ni  satisfaire  a  nostre  devoir:  il  n'y  a  rien  de  tout  cela.  Quoy  donc?  Il  faut  que  Dieu  nous  pardonne  nos  pechez,  qu'il  oublie  nos  iniquitez,  qu'il  ne  nous  impute  point  nos  offenses.  Et  non  sans  cause  David  a  use  de  ces  trois  facons  de  parler:  car  on  penseroit  que  ce  langage  seroit  superflu:  mais  notamment  il  reitere  cela,  d'autant  que  ce  n'est  point  seulement  un  abysme  que  la  condition  de  l'homme  en  laquelle  il  naist,  et  en  laquelle  il  est  plonge  iusqu'a  ce  que  Dieu  l'en  retire,  mais  c'est  l'abysme  des  abysmes:  brief,  c'est  le  profond  d'enfer.  Il  faut  donc  que  Dieu  besongne  [pag.  149]  ici  d'une  facon  singuliere.  Et  voila  pourquoy  aussi  il  adiouste  puis  apres,  Et  en  l'Esprit  duquel  il  n'y  a  point  de  fraude:  car  ii  faut  que  nous  sentions  combien  la  misericorde  de  Dieu  nous  est  necessaire,  d'autant  que  la  grandeur  de  nos  pechez  est  telle,  que  c'est  pour  empunaisir  et  ciel  et  terre,  et  non  seulement  pour  provoquer  nostre  Dieu,  mais  les  Anges,  la  lune  et  le  soleil  et  toutes  les  creatures