9:706  infinita  Dei  essentia  patrem  cum  verbo,!)  aut  verbum  cum  spiritu  non  confundimus.  Arrii  dementiam,  qui  aeterna  filium  divinitate  spoliabat,  simul  et  Macedonii  qui  per  spiritum  dona  gratiae  duntaxat  in  homines  effusa  intelligebat,  improbamus  et  exsecramur,  nihilo  magis  Sabellii  errori  assentimur  qui  nullam  in  patre  et  filio  et  spiritu  distinctionem  admittebat.  Quod  ad  Christum  peculiariter  attinet,  duabus  ipsum  naturis  constare  affirmamus.  Nam  antequam  carnem  indueret,  verbum  illud  aeternum  fuit  ex  patre  ante  saecula  genitum,  verus  Deus  unius  cum  patre  essentiae,  potentiae,  maiestatis,  adeoque2)  Iehova,  qui  a  se  ipso  semper  habuit  ut  esset,  et  aliis  subsistendi  virtutem  inspiravit.  Siquidem  ipse  de  se  testatus  est  gloriam  qua  in  carne  illustratus  est,  se  ab  initio  apud  patrem  possedisse,  antequam  mundi  iacerentur  fundamenta.  Quod  ipsum  et  Paulus  docet,  dum  in  forma  Dei  fuisse  scribit,  per  formae  vocabulum  maiestatem  intelligens.  Potentiam  vero  suam  ipse  asserit  his  verbis:  Ego  et  pater  operamur.  Hucusque*)  scripturae  etiam  passim  idem4)  docent,  per  eum  creatum  esse  orbem,  in  ipso  vitam  fuisse,  et  eiusmodi  plurima.  Neque  operae  pretium  est  hic  pluribus  immorari.  Nam  si  Deus  est,  omnia  in  se  continet  quae  Dei  sunt.  Proinde  stolidissime  mentiebantur5)  Arriani,  qui  quum  Deum  faterentur,  Dei  subsistentiam  illi  adimebant.  Verbi  quoque  appellatione  non  intelligimus  fluxam  et  evanidam  vocem,  quae  in  aere  6)  emittatur,  cuiusmodi  et  oracula  patribus  edita,  et  prophetiae  fuerunt:  sed  perpetuam  sapientiam  apud  Deum  residentem  ,  unde  oracula  et  prophetiae  omnes  prodierunt.  Non  enim  minus  spiritu  Christi  loquuti  sunt  veteres  prophetae  quam  apostoli,  et  quicunque  veritatem  Dei  hominibus  administrarunt.  Iam  vero  secundum  tempus  redemptionis  nostrae  manifestationi  definitum  verbum  caro  factum  est,  non  quod  in  carnem  versum  fuerit,  sed  quia  ex  virgine  carnem  assumpsit,  ut  verum  esset  ac  germanum  Davidis7)  semen,  et  qui  filius  erat  Dei,  filius  hominis  factus  est.  Sic  autem  coniunctam  humanitati  divinitatem  asserimus,  ut  sua  utrique  naturae  solida  proprietas  maneat:  et  tamen  ex  illis  duabus  unus  Christus  constituatur.  Itaque  scripturae,  tametsi  proprietates  illas  distincte  nobis  considerandas  proponunt,  dum  Christo  interdum  quod  solius  est  Dei,  interdum  1)  patrem  cum  verbo  et  spiritu  recognoscimus,  sic  tamen  ne  aut  patrem  cum  verbo,  aut  verbum  confundamus  cum  spiritu.  2)  Add.  ipse  nisp≪  3)  Hoc  vocabulum  praecedentibus  iungunt  Laus.  Han,  Bern.  habet:  hactenus.  4)  passim,  quum  docent.  5)  ineptiebant.  6)  aerem.  7)  Abrahae  Davidisque.  45