8:706  tiacum  populum  cogita,  idololatriae  fuisse  deditum  :  a  qua  ut  diverteretur,  est  iustissime  aliis  sublimioribus  occupatus.  Babbi  Moses  Aegyptius,  mysteriorum  Christi  praefigurationem  ibi  non  [pag.  653]  cogitans,  caeremonialia  illa  sacrificia  ait  non  fuisse  populo  data,  nisi  ut  retraheretur  a  sacrificiis  idolorum.  Cuius  signum  esse  ait,  quod  non  fuerunt  populo  data,  nisi  postquam  ad  idololatriam  declinavit,  vitulum  conflando  et  adorando.  Nos  dialogo  primo  1)  multiplicem  rationem  adduximus,  quare  daemon  suffumigationes  et  sanguines  appetat.  Atque  ideo,  velut  antidotum,  Deo  sanguinem  servari  atque  suffitus  ut  sibi  debitum  suavem  odorem,  quem  anlea  daemon  ex  immundis  quibusdam  sibi  suavem  composuerat.  Desine  igitur,  Calvine,  legem  illam  in  nos  torquere,  aut  de  eius  observatione  tam  violenter  agere,  etiamsi  cum  Iudaeo  tibi  esset  agendum,  ut  tui  misereatur  Deus,  qui  in  lege  est  passim  Iudaeorum  misertus.  Amen.  EPISTOLA  VICESIMA  SEXTA.  De  lege  Mosis  aliud  superest  inquirendum,  ne  quis  iudicialia  illa  nobis  obtrudat  Quaeramus  ergo.  Si  iudicia  illa  a  Deo  ipso  prolata  dirimendis  litibus,  erat  tam  consona,2)  quare  nos  ea  non  servamus,  ut  in  iudiciis  nostris  utamur?  Bespondeo:  Duro  populo  prolatum  est  durum  iudicium,  quod  Christi  clementia  tollit.  Tolli  autem  vides  in  muliere  adultera  (Ioan.  8).  Iudicialium  illorum  obligatio  cessat,  per  liberatorem  sublata.  Poenarum  acerbitas  illa  indicabat,  immensam  esse  offensam  divinae  maiestatis  immensae.  Sicut  scelus  Adae  fuit  immensum,  ita  fuit  poena  exitialis  mortis  immensa.  Nos  vero  scimus,  immensi  sceleris  fuisse  immensam  compensationem,  mortem  pretiosissimam  filii  Dei.  Ob  id  nos,  quum  offendimus,  non  tam  rigide  occidimur,  obiecta  pro  nobis  ipsa  morte  Christi,  immenso  redemptionis3)  pretio.  Eius  nidore  ubique  delinitus  pater,  ubique  iram  remittit,  ubi  nos  ei  hoc  proponimus,  fide  propitiatoria  viva.  Id  quod  Iudaeis  nondum  dabatur.  Non  servili  poenarum  metu  nos  [pag.  654]  terremur,  ut  Uli:  quia  perfecta  est  caritas  Dei  in  nobis,  quae  foras  excludit  timorem.  Ut  figuratis  erat  imperfectus  populus,  ita  eorum  iudicia  erant  aut  figuralia,  aut  populi  imperfectionem  significantia.  In  caeremoniis  quoque  esse  alterius  rei  figuram,  et  propriam  eorum  imperfectionem  significari,  docet  apostolus  (Heb.  9).  Non  potest  quis  dicere,  statuta  veteri  populo  similia  esse  nobis  observanda,  quum  non  sit  nunc  status  populi  similis.  An  licebit  nunc  cognato  occisi  inter-  1)  Serveti  dialogi  II  de  Trinitate  divina  t  c.  'pag.  199  sqq.  2)  erant  consona.  3)  redemptoris.  45