7:706  hoc  posterius  alibi  tractari  nego.  Sed  non  sunt  loci  omnes  coacervandi  quasi  nihil  differant.  Ad  xVii.  Argumentum  quo  pugnas  alii  eluderent:  quum  coena  ipsa  actio  sit  coelestis.  Quia  tamen  mentem  tuam  assequi  mihi  videor,  concedo,  minime  esse  corpus  Christi  in  locis  ubi  coena  administratur.  Itaque  quoties  loci  mentio  ingeritur  antevertere  soleo,  ne  quis  aliter  nos  Christo  iungi  imaginetur  quam  dum  mente  in  coelum  conscendimus.  Tropum  vero  in  verbis  Christi  me  non  admittere  solum,  sed  constanter  asserere,  quum  satis  noveris,  quorsum  urgeas  ut  concedam,  non  video.  Ad  xViii.  Inique  mecum  agetur  si  omnia  aliorum  dicta,  etiam  a  quibus  libere  disbcntio,  praestare  cogar.  Quod  autem  in  epistola  mea  posui,  in  commentariis  meis  reperiefe,  ubi  locum  illum  enarro:  Ascendit  supra  omnes  coelos  (Eph.  4,  10).  Quin  etiam,  nisi  me  fallit  memoria  (exemplar  enim  apud  me  nunc  non  habeo),  simplici  sententiae  meae  expositione  non  contentus  nominatim  eos  reprehendo  qui  conditionem  coelorum  nomine,  non  locum,  designari  volunt.  Ergo  quaecunque  adducis  testimonia,  quibus  probae  localem  a  terris  Christi  absentiam,  nihil  ad  me,  neque  ad  eos  qui  mecum  sentiunt.  Ad  XIX.  Quasi  vero,  si  quid  Lutherani  peccant,  ego  crimen  sustinere  debeam.  Atqui  tu  ipse  optimus  es  testis  quam  sim  in  oppugnando  eorum  errore  acer  et  vehemens.  Quid  igitur  me  in  eorum  ordinem  ablegas?  Quasi  aliquid  in  hac  parte  commune  cum  illis  habeam.  Ad  XX  et  XXI.  Miror  quo  consilio  verba  hic  congeras,  quum  unum  dicamus  ambo,  nisi  ut  in  certo  consensu  appareat  aliqua  repugnantiae  species.  Quanto  fuisset  simplicius,  ubi  nihil  erat  controversiae,  non  mutare  inter  nos  verba.  Ad  XXII.  Quia  hoc  prius  explicatum  fuit,  a  longiori  sermone  nunc  supersedeo.  Ad  XXIII  et  XXIV.  Merito  Christum  eiusque  dona  signis  tanquam  vasis  contineri  negas.  Sed  quod  tale  portentum  verbis  meis  insinuari  buspicaris,  id  certe  facis  nulla  occasione.  Dico  nobis  in  hoc  generali  axiomate  convenire:  signa  non  esse  inania.  Tum  subiicio,  restare  ut  vis  efficaciaque  signorum  definiatur.  Responsio  mea  tibi  displicet  quoniam  hac  loquutione  45