23:706  devant  Dieu?  Or  nous  avons  a  retenir  ce  qui  fut  hier  traitte,  c'est  assavoir,  que  le  mot  de  Iustifier  n'emporte  pas  que  nous  soyons  faits  iustes,  c'est  a��  dire,  que  Dieu  nous  renouvelle  tellement  que  nous  soyons  des  Anges:  mais  il  emporte  qu'il  nous  accepte  et  approuve  par  sa  pure  bonte,  encores  que  nous  soyons  povres  pecheurs.  Et  voila  pourquoy  aussi  Moyse  en  ce  passage  a  couche  le  mot  de  Reputer,  comme  s'il  disoit  que  cela  depend  de  la  faveur  gratuite  de  Dieu,  et  qu'il  ne  faut  point  s'enquerir  si  la  iustice  est  au  regard  de  l'homme,  ou  s'il  a  este  digne  d'estre  accepte.  Rien  de  tout  cela,  mais  contentons-nous  que  Dieu  nous  accepte  pour  iustes  encores  que  nous  ne  le  soyons  pas.  Et  voila  aussi  pourquoy  la  iustice  de  la  foy  exclud  les  oeuvres:  car  nous  prenons  de  Iesus  Christ  ce  qui  nous  deffaut.  Ie  ne  di  pas  en  partie,  comme  les  Papistes  s'embrouillent,  mais  nous  empruntons  la  iustice  de  Iesus  Christ,  d'autant  qu'il  n'y  en  a  point  une  goutte  ni  un  seul  grain  en  nous.  Il  faut  donc  que  les  oeuvres  soyent  abatues,  quand  nous  cerchons  nostre  iustice  ailleurs.  Car  s'il  v  en  avoit  seulement  une  portion  en  Iesus  Christ  et  une  partie  en  nous,  il  ne  seroit  pas  le  tout:  et  comment  s'accompliroit  [pag.  146]  ce  qui  est  dit  que  toute  plenitude  de  graces  a  este  en  luy,  et  que  cela  a  este  donne  par  le  sainct  Esprit,  a,  fin  qu'il  nous  en  distribue  a  un  chacun  selon  sa  mesure?  Car  ce  sont  choses  opposites  d'acquerir  et  de  recevoir  de  Dieu:  et  quand  Dieu  nous  iustifie  c'est  par  son  adoption,  d'autant  que  de  nature  nous  sommes  enfans  d'ire,  il  nous  adopte  et  nous  retient  pour  ses  enfans.  Et  qu'est-ce  qu'il  trouve  en  nous?  Rien  qui  soit  pour  l'induire  a  nous  bien  faire.  Ainsi  donc  l'heritage  que  nous  esperons  de  nostre  salut,  et  lequel  nous  est  promis  en  l'Evangile,  vient  de  ceste  adoption  de  Dieu,  et  n'y  a  rien  du  nostre:  car  si  nous  pouvons  acquerir  quelque  chose,  il  est  certain  qu'alors  nous  entrerions  en  partage  avec  Dieu,  ainsi  que  les  Papistes  y  viennent:  mais  d'autant  que  Dieu  besongne  en  telle  sorte  qu'il  n'y  a  rien  de  nostre  coste,  voila  comme  il  doit  estre  luy  seul  glorifie.  Or  maintenant  nous  voyons  en  somme  que  la  iustice  de  laquelle  il  est  ici  parle,  n'emporte  que  la  remission  des  pechez,  et  l'adveu  que  nous  avons  au  nom  de  nostre  Seigneur  Iesus  Christ,  d'estre  iustes  parle  merite  de  son  obeissance:  mais  encores  quand  sainct  Paul  nous  veut  enseigner  rudement  selon  nostre  petisse  *,  il  ameine  seulement  la  remission  des  pechez,  et  argue  en  telle  sorte,  Nous  ne  pouvons  estre  iustifiez  par  nos  oeuvres:  pourquoy?  [pag.  147]  Car  il  est  escrit,  Bien  heureux  est  l'homme  a  qui  Dieu  pardonne  les  pechez,  duquel  les  iniquitez  sont  remises,  et  auquel  les  fautes  ne  sont  point  imputees.  Voila,  dit-il,  toute  nostre  felicite,  quand  Dieu  nous  recoit  a  merci,  45