8:705  705  EPISTOLAE  AD  CALVINUM.  706  at  non  semper  movet  animam,  lurasses  tu,  non  fore  in  carne  tua  aliquem  concupiscentiae  stimulum?  Quid  igitur  illi  iurabant?  Peccatum  quod,  ut  ait  Paulus,  operatur  in  nobis  omnem  concupiscentiam,  est  diabolus  ipse.  Non  iurabant  ipsi,  eum  in  ipsis  non  fore,  sed  se  curatur  os,  ne  pelliceret.  Hoc,  Deo  iuvante,  passim  praestabant.  Faciam,  inquit,  ut  in  praeceptis  meis  ambuletis,  ea  custodiatis  et  faciatis.  Aliquid  est,  quod  Paulus  ait,  eos  qui  sunt  Christi,  carnem  crucifixisse  cum  affectibus  et  concupiscentiis  (Galat.  6)  Unde  constat:,  te  non  esse  Christi,  qui  concupiscentiam  posse  crucifigi  negas.  Nemo,  ais,  unquam  implevit  praeceptum  illud,  de  diligendo  Deo  ex  toto  corde,  tota  anima,  et  totis  viribus.  Ut  tu  nunc  cum  Luthero  tuo  somnias,  nemo  tunc  implevit.  At  non  ita  Deus  exigebat,  sed  iuxta  vires  cuique  datas.  Mentiti  sunt  tibi  David  et  alii,  qui  aiunt,  se  toto  corde  Deum  exquisivisse,  desiderasse,  et  mandata  fecisse.  Si  nec  tunc  dabatur  toto  corde  [pag.  652]  diligere,  nec  nunc  datur  toto  corde  credere,  nunquam  eris  tu  iustificatus,  qui  es  tam  rigidus  exactor.  Qui  non  diligit,  manet  in  morte:  ergo  vos  in  morte  manetis,  qui  dilectionem  esse  possibilem  negatis.  At  vero  liberalissima  Deus,  omnia  donans  si  eum  oraveris,  et  fidem  veram  et  caritatem  veram  aliquando  donabit:  perfectam  caritatem,  ut  ait  Ioannes.  Si  omnia  sunt  possibilia  credenti,  et  tu  credis,  possibilis  tibi  est  dilectio,  et  possibilis  impletio  praecepti.  Augustinum  tu  soles  audire,  cuius  haec  sunt  verba  lib.  1.  'Retractat,  cap.  15  et  Ub.  de  Duabus  animabus  contra  Manichaeos:  Peccati  reum  quem  teneri,  quia  non  fecit  quod  facere  non  potuit,  summae  iniquitatis  et  insaniae  est.  Ibidem  ait,  non  dici  peccatum,  nisi  a  quo  liberum  est  abstinere:  liberum  quoque  esse  ait,  praeceptum  implere,  iuvante  Deo.  Adde,  quod  praeceptum  de  dilectione  illa  non  erat  in  foedere  decalogi,  nec  est  a  Deo  ita  datum,  quando  data  est  lex.  Sed  a  Mose  in  Deuteronomio  est  postea  exhortatione  quadam  adiunctum.  Imo  ait:  Circumcidit1)  dominus  cor  tuum,  ut  diligas  eum  ex  toto  corde  (Deut.  30).  Quibus  verbis  possibilem  esse  docet  dilectionem  Ulam,  efficiente  in  te  Deo,  ut  ita  diligas.  Magnum  mandatum  dicitur  hoc  a  Christo,  quia  proxime  accedit  ad  evangelicam  perfectionem.  Non  tamen  erat  mandatum  decalogi,  nec  maledicebat  eum,  qui  non  integre  perficiebat.  Si  tu  singula  bene  discernas,  videbis  plane,  nihil  incommodum,  nihil  inconsonum  in  lege  Dei  fuisse  praeceptum.  Omnia  erant  commoda,  viribus  facultatibusque  consona,  ad  sanctam  viam  inducentia.  Imo  et  iudicialia  praecepta  populo  illi  rebelli  erant  ita  consona,  ut  nec  Phoronaeus,  nec  Lycurgus,  nec  Solon,  nec  Pompilius,  talia  potuisset  tunc  excogitare.  Si  de  caeremoniarum  immensis  ambagibus  conqueraris,  rudem  illum  aegyp-  1)  circumcidet.  Calvini  opera.  Vol  VIII.