23:705  705  SERMONS.  705  nos  a  apportez,  et  du  salut  que  nous  avons  par  sa  mort  et  resurrection.  Les  uns  se  persuadent  valloir  quelque  chose  [pag.  143],  et  la  dessus  despitent  Dieu  en  leur  orgueil:  comme  ceux  qui  ont  quelque  beau  lustre  de  iustice,  ces  devots  qui  contrefont  une  grande  sainctete,  et  comme  Angelique,  ceux-la,  di-ie,  se  ferment  la  porte,  et  n'ont  entree  aucune  a  Iesus  Christ:  car  ils  le  repoussent  aussi  bien  loin  d'eux.  Il  y  en  a  d'autres  qui  sont  nonchalans  et  ne  cuident  point  estre  iustes.  Efc  pourquoy?  Les  uns  sont  paillards,  les  autres  seront  larrons,  les  autres  seront  gens  yvrongnes,  dissolus,  contempteurs  de  Dieu,  en  sorte  que  les  petis  enfans  peuvent  estre  leurs  iuges.  Ceux-la  donc  ne  sont  pas  deceus  par  orgueil  et  outrecuidance,  mais  ils  sont  tellement  enyvrez  de  Sathan,  qu'ils  ne  pensent  point  a  la  vie  eternelle,  ils  s'abrutissent  du  tout.  Et  voila  pourquoy  il  est  dit  par  Salomon,  Bien  heureux  est  l'homme  qui  solicite  son  coeur.  Et  qui  slnduit  a  crainte  et  qui  se  reveille  pour  cognoistre  ses  fautes  et  povretez.  Ainsi  donc  nous  voyons  que  la  Loy  n'a  este  donnee  apres  la  promesse  pour  autre  raison  que  pour  nous  condamner,  a  fin  que  nous  cerchions  toute  nostre  iustice  en  Dieu  et  que  toute  la  louange  de  nostre  salut  luy  soit  rendue,  comme  elle  luy  appartient.  Notons  bien  donc  ceste  cause  finale,  car  voila  aussi  pourquoy  sainct  Paul  au  premier  chapitre  des  Ephesiens  [pag.  144]  deduit  ceste  matiere  tout  au  long.  Car  il  ne  passe  point  cela  en  un  mot,  mais  il  deduit  ce  mesme  propos,  comme  s'il  le  vouloit  entonner  en  nos  aureilles,  Afin,  dit-il,  que  la  gloire  de  Dieu  fut  cogneue,  et  que  luy  seul  soit  glorifie,  que  luy  seul  soit  cognu  iuste,  a  fin  que  nous  cognoissions  que  c'est  de  luy,  que  nous  tenons  tout.  Il  faut,  dit-il,  que  nous  cognoissions  que  sans  sa  pure  grace  nous  estions  tous  peris.  Voila  en  somme  a  quoy  Dieu  pretend  quand  il  nous  despouille  de  toute  opinion  de  nos  vertus,  c'est  qu'il  veut  estre  luy  seul  cognu  iuste,  et  que  nous  soyons  perdus  et  damnez  en  nousmesmes.  Et  ainsi  ceux  qui  s'attribuent  tant  peu  que  ce  soit  de  iustice,  comme  s'ils  avoyent  aide  a  Dieu,  comme  les  Papistes  s'appel  ent  cooperateurs,  il  est  certain  que  ceux-la  commettent  un  crime  plus  detestable  que  tous  les  larrons  du  monde.  Qu'est-ce  d'avoir  ravi  a  un  homme  or  et  argent  et  toute  sa  substance,  au  pris  de  ravir  a  Dieu  son  honneur  et  le  principal  qu'il  demande  et  qu'il  se  veut  reserver?  C'est  que  luy  seul  soit  cognu  iuste:  et  quand  des  povres  creatures  mortelles  ou  des  vermines  de  terre,  ou  il  n'y  a  qu'infection  et  puantise,  se  voudront  mettre  au  lieu  de  Dieu  pour  dire:  Tu  n'es  point  tout  quant  a  l'oeuvre  de  nostre  salut,  mais  nous  y  avons  aide.  Ne  voila  point  un  blaspheme  [pag.  145]  execrable,  quand  les  hommes  presument  d'apporter  quelque  portion  de  leur  iustice  Calvini  opera.  Vol  XXIII.