8:704  quod  impossibile  homini  fuit  in  legis  observatione  iugiter  permanere,  quin  passim  transgrederetur.  Unde  monebantur  illi  misericordiam  implorare.  Affectus  carnis,  inquis,  inimicitia  est  adversus  Deum,  legi  Dei  non  subditur,  nec  potest1)  (Rom.  8).  Id  maxime  verum  est.  At  in  homine  sunt  affectus  carnis,  et  affectus  spiritus.  Non  ex  toto,  sed  ex  parte  erat  impossibile  legem  servare,  ut  ait  ibi  Paulus.  Ex  parte  carnis,  transgressionem  passim  facientis.  At  non  quovis  momento  transgreditur  homo.  Ex  carnis  etiam  infirmitate  et  pravitate,  imperf  ede  tunc  praestabatur,  quod  praestabatur,  quum  nondum  data  esset  perfectio  Christi.  Qua  ratione  iterum  impossibilis  erat  legi  perfectio  iustitiae.  Hic  fuit  Pauli  scopus,  ut  pro  nihilo  habita  illa,  nec  integra,  nec  manente  iustitia,  solam  Christi  iustitiam  spectemus,  quae  integra  est,  perfecta  et  permanens,  in  sola  ipsius  fide  consistens.  Vulgaribus  Iudaeis  non  fuit  tunc  datum  hoc  cogitare,  sicut  nobis  nunc  datur.  Sed  ad  sua  pro  transgressionibus  data  remedia  confugiebant,  ad  expiationes  varias.  Prophetis  videntibus  datum  est  sub  umbra  quadam  Christum  videre,  et  ad  eum  prae  onere  legis  suspirare.  At  non  ideo  erant  a  legis  iugo  et  observatione  tunc  exempti.  Fiduciam  hi  habebant  in  futuro  Christo,  tametsi  vulgus  Iudaeorum  nesciret,  an  esset  odio  vel  amore  dignus.  Nos  vero  certam  scimus  caritatem  Dei  in  nobis.  Plerasque  alias  differentias  iudaicae  et  christianae  iustitiae,  a  me  iam  alibi  expositas,  nunc  omitto.  Si  eas  tu  sublimi  spiritu  cum  Paulo  consideres,  carnalem  illam  temporaneam,  seu  momentaneam  legis  iustitiam  nihil  nunc  pendes,  propter  excellentem  huius  gloriam.  Hac  ratione  Paulus  [pag.  651]  illam,  ut  reiectamentum  elidit,  ut  hanc  extollat.  At,  inquis,  Paulus  hanc  rem  fortius  exaggerat  Rom  3.  Si  locos  omnes,  quos  ibi  adducit,  diligenter  expendas,  nihil  ultra  colliges.  Omnes  homines  ait  Paulus  effectos  inutiles?  Fateor.  Omnes  declinaverunt?  Non  est,  qui  intelligat?  non  est,  qui  faciat  bonum,  ne  unus  quidem?  Fateor.  In  quovis  homine  hoc  aliquando  accidit,  ut  nec  intelligat,  nec  bonum  faciat.  Idque  magis  vigente  per  legem  peccato,  et  certis  impiorum  hominum  sacculis.  Omnes  erant  obnoxii  maledictioni,  in  quam  passim  transgredientes  incidebant.  Vera  haec  sunt.  Nemo,  ais,  fuit  unquam  sine  concupiscentia  :  ergo  nemo  unquam  illam2)  implevit:  Non  concupisces.  Vere  nemo  fuit  sine  insito  concupiscentiae  stimulo  :  sed  non  semper  actualiter  concupiscebat,  nec  quovis  momento  novum  reatum  contrahebat.  Ergo  nec  rem  alterius,  nec  uxorem  alterius  nunc  concupisco,  et  nuper  concupiscebam.  Omnium  mortalium  es  tu  miserrimus,  si  mentem  tuam  semper  hic  daemon  exagitat  Semper  est  peccatum  in  carne,  1)  nam  legi  Dei  non  subditur,  siquidem  ne  potest  quidem.  2)  illam  legem.