23:704  foy  :  La  Loy,  dit-il,  ne  peut  avoir  nulle  convenance  avec  la  foy,  ce  sont  deux  choses  incompatibles.  Et  en  quelle  sorte?  Dieu  n'est-il  pas  autheur  de  la  Loy  comme  de  l'Evangile?  y  a-il  contrariete  ni  repugnance  en  luy?  Il  est  bien  certain  que  [pag.  14f|  non,  il  est  immuable.  Et  pourquoy  donc  est-ce  que  sainct  Paul  trouve  une  telle  contrariete  entre  la  Loy  et  l'Evangile?  C'est  au  regard  de  nous  iustifier.  Autant  en  est-il  entre  la  foy  et  les  oeuvres:  il  y  a  contrariete  entant  que  les  oeuvres  sont  merites.  Et  qui  plus  est  nous  ne  pouvons  faire  nulle  bonne  oeuvre  sinon  par  foy,  comme  nous  l'avons  desia  touche,  et  sera  encores  deduit  plus  au  long.  Car  la  cause  et  l'effet  ne  sont  pas  contraires  :  mais  quand  nous  voulons  establir  quelque  merite  en  nos  oeuvres,  c'est  a  dire,  que  nous  voulons  qu'elles  doivent  valoir  pour  nous  aquerir  grace  devant  Dieu,  et  que  soyent  une  satisfaction  pour  nos  pechez:  brief,  qu'elles  nous  servent  a  salut,  c'est  pour  ruiner  du  tout  la  foy,  et  par  ce  moyen-la  elle  est  aneantie.  Ainsi  donc  nous  voyons  que  non  sans  cause  sainct  Paul  conclud  que  si  nous  sommes  iustifiez  par  la  Foy,  les  oeuvres  n'y  ont  aucun  lieu,  mais  faut  qu'elles  s'esvanouissent,  voire  entant  qu'on  y  pourroit  attribuer  quelque  opinion  de  merites,  ou  de  vertus  pour  faire  que  Dieu  nous  ait  agreables.  Or  notons  quant  et  quant  que  Dieu  nous  iustifie  par  sa  pure  liberalite,  et  ne  cerche  en  nous  que  nos  miseres  pour  y  subvenir,  a  fin  que  luy  seul  soit  cognu  iuste  et  que  la  louange  de  nostre  salut  luy  soit  rendue  voire  du  tout  comme  aussi  sainct  Paul  le  note  tres-bien  [pag.  142]  tant  au  premier  chapitre  des  Ephesiens  qu'au  troisieme  des  Romains.  Il  dit  donc  que  Dieu  a  enclos  tout  sous  peche,  a  fin  que  luy  seul  soit  cognu  iuste,  et  que  toute  bouche  soit  close,  pource  que  c'est  luy  seul  qui  iustifie  les  pecheurs  par  la  grace  de  nostre  Seigneur  Iesus  Christ,  et  qui  nous  introduit  au  chemin  de  sa  iustice.  Comme  aussi  au  troisieme  chapitre  des  Galates,  quand  sainct  Paul  propose  ceste  question.  Comment  est-il  possible  que  Dieu  ait  donne  sa  Loy  apres  la  promesse?  Car  il  semble  qu'il  ait  change  propos,  et  qu'il  se  soit  ravise,  d'autant  qu'il  iustifie  gratuitement  Abram,  et  long  temps  apres  il  vient  publier  sa  Loy:  en  icelle  il  dit,  Quiconque  fera  ces  choses,  il  vivra  en  icelles.  S.  Paul  respond  a  cela,  que  la  Loy  n'est  point  donnee  pour  aneantir  la  promesse  gratuite,  mais  pour  l'usage  que  i'ay  desia  touche  et  expose,  c'est  qu'il  faut  que  nous  soyons  enclos  sous  peche,  et  sous  condamnation,  autrement  nous  ne  pourrons  gouster  iamais  que  vaut  la  misericorde  de  Dieu,  et  ne  la  cercherons  point,  et  aussi  il  nous  semblera  que  nous  n'en  ayons  nul  besoin.  Et  de  fait  il  y  a  deux  facons  de  gens  qui  mesprisent  nostre  Seigneur  Iesus  Christ,  et  se  priveut  de  tous  les  biens  qu'il