23:703  703  SERMONS.  704  nom  sera  magnifie  de  nous  comme  il  le  merite.  Voila  donc  les  quatre  commandemens  de  la  premiere  table.  Or  quand  nous  aurons  bien  espleuche  tout  ce  qu'ils  contienent,  venons  a  nous,  et  nous  trouverons  qu'au  lieu  de  nous  avoir  arreste  a  luy,  nous  sommes  vagabons,  et  que  nos  pensees  et  imaginations  nous  pourmeinent,  et  nous  tracassent  ca  et  la.  Qu'est-ce  quand  il  est  question  mesme  de  [pag.  139]  prier?  Oar  ceste  action  devroit  retirer  les  hommes  d'ici  bas  pour  les  ravir  au  ciel,  d'autant  que  nous  sommes  comme  en  la  presence  de  nostre  Dieu.  Et  cependant  quand  nou3  prions  combien  aurons-nous  encores  d'imaginations  frivoles  qui  nous  passent  par  la  teste  et  qu'il  nous  faut  la  tenir  captifs?  Puis  qu'ainsi  est,  que  sera-ce  de  tout  le  reste  de  nostre  vie?  Ainsi  en  sera-il  de  tous  les  commandemens  de  la  Loy,  quand  nous  en  ferons  comparaison  avec  nostre  vie.  Et  pourtant  nous  ne  trouverons  non  pas  une  mort  seule,  mais  cent  mille.  Et  au  reste  nous  voyons  aussi  comme  Dieu  en  sa  Loy,  nous  a  voulu  toucher  au  vif:  car  il  est  dit  qu'il  faut  que  le  coeur  soit  navre  a  bon  escient.  Car  apres  qu'il  a  prononce  ceste  sentence,  Maudit  sera  celuy  qui  n'accomplira  toutes  les  choses  qui  sont  ici  escrites,  il  ne  se  contente  point  d'estre  iuge,  et  d'avoir  ainsi  condamne  de  sa  bouche  les  hommes:  mais  il  veut  que  le  peuple  responde  Amen,  c'est  a  dire,  que  chacun  passe  condamnation  de  son  bon  gre,  et  qu'on  se  tiene  pour  tout  condamnez,  confessant  la  sentence  qu'il  a  donnee,  estre  iuste  et  equitable.  Ainsi  donc  voila  comme  la  Loy  nous  doit  faire  entrer  en  l'examen  de  toute  nostre  vie,  que  nous  n'ayons  que  desespoir  en  nous,  et  que  par  ce  moyen  nous  soyons  solicitez  de  cercher  nostre  Seigneur  [pag.  140]  Iesus  Christ  pour  le  commencement  de  nostre  iustice.  Or  maintenant  nous  voyons  que  ce  sont  deux  choses  contraires  comme  le  feu  et  l'eau,  que  nous  soyons  estimez  iustes  devant  Dieu  par  nos  oeuvres,  et  que  nous  soyons  acceptez  de  luy  en  vertu  de  la  foy.  Car  comme  sainct  Paul  en  parle,  si  nous  apportions  rien  du  nostre,  il  est  certain  que  Dieu  nous  seroit  redevable,  d'autant  encores  que  nous  ne  soyons  pas  iustes  du  tout  ny  en  perfection:  quoy  qu'il  en  soit,  si  est-ce  que  le  salaire  nous  seroit  deu  pour  une  portion  telle  que  nous  pourrions  avoir.  Or  il  est  dit  que  la  foy  ne  se  peut  accorder  nullement  avec  les  oeuvres:  il  faut  donc  conclure  que  quand  nous  sommes  iustifiez  par  foy,  les  oeuvres  cessent  et  sont  abatues  du  tout.  Or  ceste  facon  de  parler  de  prime  face  sembleroit  estre  dure,  que  la  foy  ne  se  puisse  accorder  avec  les  bonnes  oeuvres:  car  il  sembleroit  qu'elle  nous  iustifie  a  fin  de  nous  lascher  la  bride  a  toute  iniquite.  Or  c'est  selon  une  qualite  certaine  et  un  regard  que  sainct  Paul  dit  cela,  comme  aussi  il  parle  de  la  Loy  et  de  la