8:702  Paulo.  Non  recte  ergo  dicitur,  esse  Me  transgressionem  similem,  ut  in  lege,  quum  nec  transgressio  sit,  nec  mortalis.  Ut  autem  melius  intelligas,  in  hac  spirituali  Christi  doctrina  non  esse  legale  illud  vinculum,  nec  servitutis  praeceptum,  sed  liberaliter  oblatam  gratiam,  et  coeleste  donum:  perpende  totum  adventus  Christi  evangelicum  gaudium  et  laetitiae  nuncium  a  lege  procul  distinctum.  Quum  essemus  peccato  Adae  et  legis  servitute  admodum  captivi,  venit  piis  simus  Christus,  gaudium  credentibus  annuncians  et  liberationem.  Docet,  ut  credamus,  et  gratis  donat.  Non  lege  cogit,  sed  beneficium  offert  credere  volentibus.  Postea  quoque  qui  crediderant,  citra  legis  coactionem  docentur  coelestia.  Docentur  regenerari  ex  aqua  et  spiritu  sancto:  alioqui  extra  regnum  manere.  Docentur  carnem  etl)  spiritum  mortificare.  Docentur  diligere,  et  in  coena  Christi  communicare,  tit  cibo  coelesti  servent  vitam  coelestem.  Ecce  totum  evangelium  [pag.  648]  regni,  laetissimum  nuncium,  cum  donis  praesentibus.  Estne  servitutis  iugum  imponere,  tam  coelestia  dona  gratis  donare?  EPISTOLA  VICESIMA  QUINTA.  Mosaica  lex,  ut  tu  censes,  erat  lex  inertibus  saxis  data,  lex  ir  rationalis,  lex  impossibilis,  tyrannica.  Ita  miseros  et  rudes  populos,  te  iudice,  in  equuleo  exercebat  tunc  Deus,  sicut  tyrannus  Diomedes  in  lecto  ferreo,  ut  equis  essent  in  pabulum.  Lex  illa  perinde  tibi  sonat,  ac  si  Gebennensibus  tuis  tyrannus  quis  dicat:  Montes  aureos  producite,  et  astra  coelo  detrahite:  alioqui  poenas  dabitis.  Christus  dicens,  hoc  fac,  et  vives,  Ubi  saxo  dixit:  In  aerem  vola,  et  vives.  Et  ad  legem  illam  nos  vis  tu  hodie  pariter  teneri,  ad  impossibilia  omnia  adstrictos.  Non  te  servitutis  pudet?  tam  violentae  tyrannidis  ?  Deum  ais  in  lege  hoc  solum  voluisse  ut  impossibilitatis  admonerentur.  Tu  ita  fingis.  At  ego  cum  propheta  dico,  eum  tunc  voluisse  mandata  sua  custodiri,  eaque  custodientes  esse  beatos.  Favorem  suum  facientibus  legem  praebebat  Deus,  deficientibus  expiationes  dans.  Illi  quoque  se  mandata  facturos  iurabant,  ut  vides  Neh  10,  Psal.  118,  qui  est  Heb.  1192)  item  2  Paral.  16,  Deut.  29  et  Ezech.  16).  Quis  tam  amens  iuret,  aut  quis  Deus  iurare  faciat  rem  omnino  impossibilem?  Deus  testatur,  praeceptorum  observationem  sibi  placere,  et  ea  ipsum  delectari.  An  res  impossibilis  eum  delectabat?  Si  vis  ad  vitam  ingredi,  serva  mandata  {Matth.  19).  Ad  possibilitatem  antecedentis  sequitur  possibilitas  consequentis.  Haec  est  regula  misericordiae  Dei:  Ego  sum  Deus,  faciens  misericordiam  in  mille,  iis  qui  diligunt  1)  per.  2)  qui  est  Hebr.  119  om.