23:702  qu'ire.  Quand  on  aura  bien  regarde  a.  ce  qui  est  la,  dit,  on  trouvera  que  Dieu  nous  est  contraire,  et  que  nous  ne  pouvons  approcher  de  luy  sinon  qu'il  soit  arme  pour  foudroyer  contre  nous,  et  pour  nous  abysmer  pleinement.  Vray  est  que  la  Loy  nous  monstre  bien  que  c'est  de  iustement  vivre,  et  d'acquerir  iustice  si  nous  en  estions  capables,  comme  nous  traitterons  plus  au  long  ici  apres.  Il  est  escrit  au  dixhuitieme  chapitre  du  Levitique:  Qui  fera  ces  choses,  il  vivra  en  icelle:  mais  cependant  regardons  si  nous  approchons  mesmes  de  ce  que  Dieu  nous  commande?  [pag.  137].  Il  est  vray  qu'encores  les  hommes  sont  si  outrecuidez  que  la  Loy,  iusques  a.  ce  qu'elle  soit  bien  entendue,  ne  suffit  point  pour  les  mater  et  pour  les  despouiller  de  toute  folle  presomption.  Car  voila  sainct  Paul  qui  avoit  este  enseigne  des  sa  ieunesse  en  la  Loy,  il  estoit  du  rang  des  docteurs:  il  dit  neantmoins  qu'il  n'a  pas  laisse  de  presumer  de  ses  vertus,  et  cuidoit  estre  bien  iuste,  il  avoit  la  Loy  a  laquelle  il  s'arrestoit,  mesprisant  la  grace  de  nostre  Seigneur  Iesus  Christ.  Et  pourquoy?  ll  ne  regardoit  qu'a,  l'apparence,  comme  quand  il  est  dit:  Tu  ne  tueras  point:  et  bien  il  n'estoit  pas  meurtrier:  Apres,  Tu  ne  paillarderas  point,  on  ne  void  pas  aussi  qu'il  fust  un  putier  ou  un  paillard:  Tu  ne  desroberas  r  point,  il  n'estoit  point  larron.  Il  pensoit  donc  estre  quitte  du  tout  devant  Dieu.  Et  voila  comme  il  estoit  endormi  en  ses  vaines  flateries.  Mais  depuis  Dieu  l'a  reveille  et  l'a  amene  plus  loin,  et  le  fait  entrer  iusques  au  plus  profond  de  ses  pensees.  Et  quant  il  est  dit,  Tu  ne  convoiteras  point,  alors  il  voit  qu'il  est  convaincu  et  condamne  tellement  qu'il  n'y  a  plus  d'absolution.  Car  il  sent  qu'il  a  beaucoup  de  vanitez  en  soy  qui  le  chatouillent,  sa  fragilite  luy  fait  concevoir  beaucoup  de  tentations,  il  cognoit  qu'il  ne  s'est  point  aquitte  de  la  centiesme  partie  de  l'amour  de  Dieu [p. 138],  qui  doit  estre  en  tous  fideles.  Sainct  Paul  cognoit  cela:  ainsi  le  voila  comme  un  povre  trespasse,  il  oublie  sa  vie,  de  laquelle  il  avoit  este  trompe  et  deceu,  et  cognoit  qu'il  est  du  tout  comme  une  povre  charongne  pourrie  devant  Dieu.  La  loy  l'occit  tellement  qu'il  n'a  plus  dequoy  presumer  en  soy.  Et  voila  pourquoy  i'ay  dit,  qu'il  y  a  une  raison  speciale  contenue  en  la  Loy  de  Dieu,  pour  nous  monstrer  qu'il  n'y  a  en  nous  que  condamnation:  car  il  nous  faut  ici  arrester  premierement  a  chacun  precepte.  Nous  devons  avoir  un  seul  Dieu.  Et  quel  est-il?  comment  est-ce  qu'il  est  servi  et  honore  de  nous?  Quand  nous  serons  du  tout  attachez  a  luy,  que  nous  ne  cercherons  autre  bien,  ni  autre  felicite,  ni  resiouissance  que  de  le  glorifier,  qu'on  n'orra  que  louanges  et  actions  de  graces  de  nos  bouches,  qu'en  toutes  sortes  on  appercevra  que  nous  aspirons  du  tout  a  luy,  ayans  renonce  au  monde,  que  son