8:701  701  EPISTOLAE  AD  CALVINUM.  702  esse  onus  durum:  ipse  contra  iugum  ait  suave,  et  onus  leve.  Praecepta  illa  ex  Matthaeo  citata,  non  sunt  legalia  praecepta,  cum  rigida  ilia  ad  mortem  maledictione  et  exsecratione,  si  ^quis  deficiat.  Sed  sunt  praecepta  doctrinae,  sunt  ad  perfectionem  vehicula,  ut  ibi  docet  Christus,  volens  nos  ita  esse  perfectos.  Libera  sunt  praecepta,  si  vis  perfectus  esse,  ut  Christus  exponit  Libera  sunt  praecepta,  a  quibus  deficiens  non  mox  constituitur  gehennae  reus,  licet  minor  alio  dicatur  in  regno  coelorum,  ut  ibidem  manifeste  docet  Christus.  Qui  solverit,  inquit,  unum  ex  mandatis  hisce  minimis,  minimus  vocabitur  in  regno  coelorum.  Non  excludetur  foras,  sed  erit  aliis  posterior:  et  adhuc  postremum,  si  fecerit  et  docuerit.  Spiritus  Christi  nos  docet  sponte  progredi,  non  secundum  carnem,  sed  secundum  spiritum,  qui  est  spiritus  liber,  nos  libere  agere  docens,  et  iuvans.  Plurimum  ergo  differt  doctrina  spiritus  a  lege  rigida.  Chirographus  non  est  nobis  spiritus,1)  ut  in  lege,  quum  nec  talis  adstrictio  nunc  supersit,  nec  fides  indigeat  scriptura,  sed  in  tabulis  cordis  impressione.  Christus  nihil  scripto  nobis  promulgavit,  ut  est  olim  data  scriptura  in  tabulis.  Antequam  apostoli  et  evangelistae  quidquam  scriberent,  iam  erat  lex  Christi,  lex  spiritus,  lex  fidei,  in  cordibus  credentium.  Scripturae  superadditae  sunt,  ad  exhortationem  et  recordationem,  ne  per  Antichristum  periret  tota  Christi  doctrina:  quae  vere  doctrina  dicitur,  non  lex  rigoris.  Hinc  Paulus2)  ait:  nos  a  lege  esse  translatos  in  formam  doctrinae  (Rom.  6).  Ita  venit  Christus  facere  et  docere,  et  apostolos  misit  ad  docendum.  Cogita  differentiam  inter  formam  legis  et  formam  doctrinae,  [pag.  647]  nosque  ab  Uia  esse  translatos  ad  istam.  Magna  est  ignorantia  tua,  ut  hanc  differentiam,  et  translationem  nostram  intelligere  nequeas.  Observatio  hic  non  est  ita  impossibilis,  tit  ais,  imo  non  solum  possibilis,  sed  aliquando  facilis  et  iucunda,  pro  tempore  videlicet.  Iugiter  et  continuo  illa  omnia  a  nobis  observari,  et  nunc  est  impossibile,  et  in  lege  fuit  impossibile.  Nam  quum  caro  nostra  ab  ipso  Satana  sit  oppressa,  sua  ad  nos  movendum  caro  habet  momenta,  semper  ad  perniciem:  sua  quoque  seorsim  spiritus  habet  momenta,  semper  ad  salutem.  Ad  momenta  quaedam^)  per  spiritum  datur  nobis  coelestium  suavitate  teneri,  et  nihil  carnale  tunc  concupiscere.  De  coelo  nobis  aliquando  datur,  sincere  intus  diligere,  toto  cordis  affectu,  atque  ita  tunc  legem  implere.  Nam  qui  diligit,  legem  implevit,  ut  ait  Paulus.  Hoc  passim  datur  regenitis,  coelestia  suaviter  gustantibus.  At  fragilis  homo  non  persistit,  quin  a  carne  mox  abducatur,  et  transgrediatur.  Quanquam  haec  non  proprie  dicatur  transgressio,  quia  non  est  a  lege.  Ubi  enim  non  est  lex,  nec  transgressio  est,  teste  1)  scriptus.  2)  D.  Paulus.  3)  quaedam  om.