7:701  701  CALVINI  RESPONSIO  AD  ANNOTATIONES  BULLINGERI.  SCRIPTA  MENSE  IANUARIO  1549.  Ad  I.  Gratiam  sacramentis  alligari  intelligo,  vel  quum  nulla  agnoscitur  nisi  in  sacramentis,  vel  quum  in  his  fingitur  inclusa  :  ut  usus  sacramenti  perceptionem  gratiae  secum  perpetuo  trahat.  Nam  quum  dico  percipi  Dei  gratiam  sacramentis,  inde  non  sequitur  eorum  beneficio  percipi.  Soli  iam  Deo  illam  nihilominus  acceptam  refero,  utcunque  mediis  ab  ipso  ordinatis  utar.  Coniunctam  quidem  Dei  gratiam  sacramentis  esse  fateor,  non  tempore,  non  loco,  sed  quatenus  vas  fidei  quisque  affert,  ut  quod  illic  figuratur  obtineat.  Quum  electis  exhiberi  dico  quod  sacramenta  figurant,  multum  a  papistis  differo,  qui  tradunt  sacramenta  promiscue  omnibus  conferre  gratiam  qui  obicem  non  ponunt.  Nam  quod  promissionis  est  proprium  isti  ad  signum  visibile  transferunt.  Deinde  excludunt  fidem,  aut  certe  nullum  illi  locum  nullasque  partes  assignant.  Tertio  caeremoniam  causam  salutis  et  velut  initium  esse  fingunt.  Ego  autem  totum  sacramenti  effectum  ab  electione  pendere  doceo.  Praeterea  signum  esse  inutile  ostendo,  nisi  quatenus  per  spiritum  suum  Deus  in  nobis  agit,  ut  fructum  inde  sentiamus.  Tertio  nihil  reprobis  et  infidelibus  prodesse  dico.  Ut  eadem  sit  sacramentorum  vis  et  natura  quae  verbi.  Et  certe  valde  miror,  te  saltum  inter  omnes  et  inter  electos  non  discernere,  sed  confundere  simul  haec  duo  verba:  coniungi  et  alligari.  Nam  qui  sacramentum  fingit  sibi  efficientem  aut  materialem  salutis  causam,  vel  qui  necessarium  esse  ita  putat,  ut  sine  ipso  nec  gratia  sit  nec  salus,  vel  qui  perpetuo  annexam  illi  esse  gratiae  perceptionem  tradit,  is  demum  gratiam  alligat  sacramentis.  Quin  autem  aliqua  sit  coniunctio,  non  video  cur  negemus.  A  d  l  !  Officium  spiritus  esse  fateor,  Christi  et  omnium  eius  bonorum  nos  facere  participes.  Sed  minime  absurdum  est,  ut,  quod  propria  virtute  in  nobis