23:701  701  SERMONS.  702  Dieu  qui  nous  espovante  pour  nous  rendre  du  tout  desesperez.  Car  que  savons-nous  que  c'est  d'avoir  nourriture  sinon  que  la  famine  nous  presse?  m  nous  estions  enflez  et  souls,  chacun  demoureroit  en  tel  estat,  nous  ne  cercherions  ne  pain  ne  pitance  (comme  on  dit)  mais  la  famine  nous  contraint  de  cercher  pasture:  quand  nous  sommes  malades,  nous  venons  au  remede,  mais  si  un  homme  estoit  insensible,  et  qui  ne  fust  point  touche  d'aucune  passion  de  son  mal,  il  mouroit  cent  fois  sans  demander  secours  ne  sans  l'appeter.  Il  faut  donc  comme  i'ay  desia  dit  que  la  cognoissance  de  nos  miseres  nous  touche  tellement  que  nous  soyons  vrayement  a  la  mort,  et  que  nous  sentions  la  [pag.  135]  mort  de  laquelle  parle  l'Escriture  a  fin  d'aspirer  a  la  vie  que  nostre  Seigneur  Iesus  Christ  nous  presente  par  son  Evangile,  est  c'est  pourquoy  tant  souvent  l'Escriture  nous  redargue  de  nos  offences,  et  nous  fait  comme  nostre  procez  criminel.  Car  Dieu  ne  prendroit  point  plaisir  a  nous  manier  en  telle  sorte,  n'estoit  qu'il  cognust  la  necessite.  Ainsi  donc  autant  qu'il  y  a  de  menaces  en  l'Escriture  saincte  et  de  sentences  de  condamnation  et  de  reproches  et  de  choses  semblables,  ce  sont  autant  de  coups  de  marteau  que  Dieu  nous  donne  sur  la  teste,  a,  fin  de  nous  amener  a.  l'humilite  de  laquelle  nous  sommes  bien  loin  iusqu'a,  ce  qu'il  nous  ait  amortis  en  telle  facon,  voire  par  violence.  Voila  donc  pour  un  item.  Et  au  reste  il  nous  faut  venir  a  deduction  plus  ample  de  ce  qui  a  este  dit,  c'est  que  iusques  a  tant  que  nous  ayons  contemple  nos  miseres  en  la  parole  de  Dieu,  nous  serons  endormis  en  nostre  hypocrisie  et  serons  sans  souci:  et  ceste  nonchalance-  la  sera  cause,  que  nous  mespriserons  la  grace  de  Dieu  et  en  serons  quant  et  quant  exclus.  Or  Dieu  nous  a  propose  nostre  condamnation  en  la  Loy  notamment:  il  est  vray  que  toute  l'Escriture  en  est  pleine:  et  quand  il  est  dit  qu'elle  est  utile,  entre  les  autres  choses,  il  admene  les  reprehensions.  Et  puis  nous  savons  que  porte  l'Evangile,  Repentez-vous  [pag.  136],  le  Royaume  de  Dieu  est  prochain.  Voila  comme  Dieu  dispose  ses  esleus  pour  recevoir  la  iustice  gratuite  qui  leur  est  donnee  par  le  moyen  de  son  Fils,  c'est  que  nous  soyons  repentans.  Et  qu'emporte  cela?  une  tristesse  que  nous  soyons  faschez,  et  contristez  pour  nous  condamner  en  nostre  mal  et  nous  vengeans  de  nous-mesmes  comme  sainct  Paul  en  parle:  car  il  ne  met  pas  seulement  le  mot  de  tristesse,  et  d'effroy,  mais  il  dit  qu'il  nous  faut  avoir  un  tel  zele  que  nous  soyons  la  comme  pour  prendre  vengeance  de  nousmesmes,  d'autant  que  nous  sommes  ainsi  ennemis  de  Dieu.  Or  combien  que  ceste  doctrine  se  rencontre  en  toute  F  Escriture  saincte:  neantmoins  Dieu  a  specialement  ordonne  sa  Loy  a,  cela,  et  c'est  pourquoy  sainct  Paul  dit  qu'elle  n'apporte