9:700  XXI.  Magistrats.  Nous  avons  la  supereminence  et  domination,  tant  des  roys  et  princes  que  aultres  magistrats  et  superieurs,  pour  une  chose  saincte  et  bonne  ordonnance  de  Dieu.  Et  comme  eulx  en  faisant  leur  office  ils  servent  a  Dieu  et  suyvent  une  vocation  chrestienne,  soit  en  deffendant  les  affligez  et  innocens,  soit  en  corrigeant  et  punissant  la  malice  des  pervers,  aussy  de  nostre  part  que  nous  leur  dcbvons  porter  honneur  et  reverence,  rendre  obeyssance  et  subiection,  executer  leurs  commandemens,  porter  les  charges  a  nous  par  eulx  imposees,  entant  qu'il  nous  est  possible  sans  offenser  Dieu.  En  somme,  qu'il  nous  les  fault  reputer  comme  vicaires  et  lieutenans  de  Dieu  auxquels  on  ne  puisse  nullement  resister  synon  en  resistant  a  Dieu  mesmes.  Et  leur  office  comme  une  saincte  commission  de  Dieu  laquelle  il  leur  a  donne  affin  de  nous  gouverner  et  regir.  Parquoy  nous  entendons  que  tons  Chrestiens  sont  tenus  de  prier  Dieu  pour  la  prosperite  des  superieurs  et  seigneurs  des  pais  ou  ils  vivent,  obeyr  aux  statuts  et  ordonnances  qui  ne  contreviennent  aux  commandemens  de  Dieu,  procurer  le  bien,  la  tranquillite  et  utilite  publique,  se  efforceant.  de  entretenir  l'honneur  des  superieurs  et  tranquillite  du  peuple,  sans  rien  machiner  ne  procurer  qui  soit  pour  esmouvoir  troubles  ne  dissentions.  Et  au  contraire  nous  dcclairons  que  tous  ceulx  qui  se  portent  infidelcment  envers  leurs  superieurs  et  ne  ont  droicte  affection  au  bien  publicq  du  pais  ou  ils  conversent,  en  cela  ils  demonstrent  leur  infidelite  envers  Dieu.